QR vıtse-premeri: teńge baǵamynyń ózgerýi otandyq taýarǵa basymdyq beredi
ASTANA. QazAqparat - Devalvatsııa ımporttyq taýarlar qunynyń artýyna áser etedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótip jatqan brıfıngte QR Premer-Mınıstriniń orynbasary - Qarjy mınıstri Baqyt Sultanov málim etti.
Devalvatsııa ımport baǵasynyń ósimine áser etetindigin atap ótken B.Sultanov: «Degenmen, bul rette bizdiń taýar óndirýshilerimizde ımporttyń qymbattaýyna baılanysty ony ishki naryqta óz ónimderimen almastyrý múmkindigi týyndaıtynyn túsinýimiz kerek», - dedi. Sondaı-aq onyń atap ótýinshe, oryn alyp otyrǵan jaıt qazaqstandyq óndirýshilerge taýarlaryn syrtqy naryqta básekege qabiletti ónimge aınaldyrýǵa múmkindik beredi. Esterińizge sala keteıik, búgin QR Ulttyq banki 2014 jyldyń 11 aqpanynan bastap teńgeniń burynǵy deńgeıin saqtap turýdan, valıýtalyq ınterventsııalardyń kólemin azaıtýdan, teńgeniń aıyrbas kýrsyn qurý protsesine aralasýdan bas tartý týraly sheshim qabyldaǵanyn jarııa etken edi. Sondaı-aq teńge kýrsynyń jańa baǵamy 185 AQSh dollary tóńireginde bolatyndyǵyn habarlaǵan-dy.
