QR vıtse-premeri oblystardaǵy medıtsınalyq mekemelerdiń reıtıngisin jasaýdy tapsyrdy

dep habarlaıdy QazAqparat.

Búgin Densaýlyq saqtaýdyń biryńǵaı ulttyq júıesi (DBUJ) men Densaýlyq saqtaý isin damytýdyń 2011-2015 jyldarǵa arnalǵan memlekettik baǵdarlamasynyń jobasyn talqylaý boıynsha Densaýlyq saqtaý mınıstrliginde ótken respýblıkalyq keńeste E.Orynbaev, oblystardaǵy medıtsınalyq mekemelerdiń halyqqa kórsetip otyrǵan qyzmetter sapasynyń reıtıngisin jasaý qajettigin atap kórsetti.

«Turaqty túrde áleýmettik saýalnamalar júrgizip, halyqtyń aryzdaryn jınap otyrý qajet. Solaı, biz qaı oblysta kim qalaı jumys istep otyrǵanyn kórip, halyq qaı jerdiń jumysymen qanaǵattanbaıtynyn bile alamyz», - deıdi ol.

Vıtse-premerdiń aıtýynsha, 2010 jyldyń qańtarynyń bastap elde jumys isteı bastaǵan DBUJ óziniń tıimdiligin kórsetti. Naqty emdelgen naýqasqa tólenetin júıeniń engizilýimen medıtsına salasy qyzmetkerleriniń eńbek ónimdiligi de arta túsken.

Biraq E.Orynbaevtyń sózine qaraǵanda, jańa Ulttyq júıede problemalar da joq emes. Olar ásirese, uıymdastyrýshylyq is-sharalarǵa qatysty. «Mınıstrlikter men jergilikti organdar túsindirý boıynsha (red-jańa júıeni) jumystar júrgizgenin bilemin. Biraq meniń oıymsha, olar jetkiliksiz boldy. Sondyqtan túsindirý baǵytyndaǵy jumystardy qaıta bastaý kerek», - dedi ol.

Úkimet basshysynyń orynbasary, qajet bolǵan jaǵdaıda medıtsınalyq mekemelerge konsýltatsııalyq keńester ótkizip, jeti kúnniń ishinde onyń nátıjesi jaıynda maǵlumat alyp otyrý júıesin qalyptastyrýdy usyndy.