QR vıtse-premeri: Bizdiń maqsatymyz - Ortalyq Azııada, TMD-da jáne Eýrazııada bilim jáne ǵylymı ashylymdar eksporty ortalyǵy bolý
ASTANA. 12 maýsym. QazAqparat - «Biz úzdik álemdik tájirıbeni belsene qabyldap, aldymyzǵa Ortalyq Azııa aımaǵynda, TMD-da jáne tustaı alǵanda Eýrazııada bilim jáne ǵylymı ashylymdar eksporty ortalyǵy bolý maqsatyn qoıyp otyrmyz»,
dedi QR vıtse-premeri Erbol Orynbaev Nazarbaev Ýnıversıtetinde Joǵary bilim kóshbasshylarynyń ekinshi Eýrazııalyq forýmynda sóılegen sózinde.
Ol Nazarbaev Ýnıversıteti Qazaqstanda óziniń ǵylymı áleýetin, jetekshi halyqaralyq kadrlardy jáne eldiń talantty jastaryn jumyldyra otyryp, zamanaýı ınnovatsııalyq orta qurýdy qalyptastyrýda», dep atap ótti.
«Nazarbaev Ýnıversıteti jańa ınnovatsııalyq klasterdiń ózegi bolyp otyr», dep atap ótti vıtse-premer.
E.Orynbaev ulttyq jáne halyqaralyq kompanııalarǵa Nazarbaev Ýnıversıtetiniń aýmaǵynda óndiris pen ǵylymı bólimsheleriniń óz ınfraqurylymyn ornalastyrýǵa múmkindik beriledi, dep atap kórsetti.
Qysqa merzimde Nazarbaev Ýnıversıteti ǵalymdardyń ınnovatsııalyq ıdeıalaryn ilgeri jyljytý úshin durys júıe qura aldy. Nazarbaev Ýnıversıtetiniń 2013-2020 jyldarǵa arnalǵan strategııasy joǵary oqý ornyn damytýdyń jańa kezeńi bolmaq, dedi ol.
«Strategııa eldiń búkil joǵary oqý oryndary úshin etalon bolyp tabylatyn joǵary bilimniń aldyǵǵy qatarly modeli bolyp qalyptasýy maqsatynda Ýnıversıtettiń serpindi damýyn qamtamasyz etetin negizgi uzaqmerzimdi maqsattar men baǵyttardy aıqyndaıdy», dep málim etti vıtse-premer.
«Joǵary oqý ornynyń basty mindeti - Qazaqstannyń serpindi damýyna qajetti ǵalymdar men mamandardy, basshylar men kásipkerlerdi daıarlaý, sondaı-aq elimizdiń elordasyn bilim men ınnovatsııalardyń halyqaralyq ortalyǵy retinde qalyptastyrý», - dedi E.Orynbaev.
Onyń aıtýynsha, Nazarbaev Ýnıversıtetiniń alqalylyǵyn jáne ashyqtyǵyn qamtamasyz etý úshin halyqaralyq tájirıbege sáıkes Akademııalyq keńes, Ǵylymı keńes jáne Professor-oqytýshylar keńesi sııaqty alqaly organdar qurylyp, bilim úderisiniń saıasaty belgilendi.
E.Orynbaev ýnıversıtet akademııalyq qyzmette ǵana emes, ınnovatsııa jáne ǵylymdy óndiriske engizý salasyndaǵy óz tájirıbesin eldiń basqa da joǵary oqý oryndaryna berýdi júzege asyrady, dep atap ótti.
Qazaqstandyq joǵary bilim úshin Nazarbaev Ýnıversıteti memlekettiń jumys jasap turǵan ýnıversıtetterdi reformalaýyna jáne joǵary bilim salasynda jańa ınstıtýttardy qurýǵa múmkindik beretin eksperımenttik alań bolyp tabylady, dep atap kórsetti ol.
