QR Velosport federatsııasynyń prezıdenti qyzmetine A.Vınokýrov kelýi múmkin
ASTANA. 7 maýsym. QazAqparat /Arman Asqarov/ - Aldaǵy ýaqytta ótetin elimizdiń Velosport federatsııasynyń arnaıy konferentsııasynda Qazaqstannyń belgili veloshabandozy Aleksandr Vınokýrovty Federatsııanyń prezıdenti qyzmetine usynatyn bolamyz.
Bul týraly búgin Astanada ótken baspasóz máslıhatynda QR Saýda jáne ekonomıkalyq damý mınıstri, Federatsııanyń qazirgi prezıdenti Qaırat Kelimbetov aıtty.
Q.Kelimbetov atap kórsetkendeı, Velosport federatsııasynyń arnaıy konferentsııasyn aǵymdaǵy jyly qarashanyń 7-si kúni ótkizý josparlanyp otyr. «Sol kezde men Federatsııa prezıdenti qyzmetine Vınokýrov myrzany usynatyn bolamyn. Óz basym bul saılaýǵa qatyspaımyn. Menińshe, Qazaqstannyń belgili veloshabandozy Aleksandr Vınokýrov endi óziniń sport salasyndaǵy áleýetin el úshin jumsaýy tıis», - deıdi Q.Kelimbetov.
