QR Velosport federatsııasy eń zamanaýı dopıngke qarsy júıeni engizýge nıetti
ASTANA. QazAqparat - Búgin Ulttyq dopıngke qarsy ortalyq jáne Qazaqstandyq velosıped sporty federatsııasy tyıym salynǵan WADA jáne UCI tizimine sáıkes veloshabandozdardyń tyıym salynǵan preparattardy (dopıngti) qoldaný monıtorıngi salasyndaǵy yntymaqtastyq týraly memorandýmǵa qol qoıdy.
Qazaqstandyq velosport federatsııasynyń aqparatyna súıensek, birlesken dopıngke qarsy baǵdarlama sheńberinde qazaqstandyq veloshabandozdardyń dopıng-testi júrgiziledi, barlyq jastaǵy velosportshylar arasynda jappaı bıopasport engiziledi.
Qazaqstandyq «Dopıngke qarsy ortalyq» 2013 jyly WADA (Dúnıejúzilik dopıngke qarsy agenttik) bastamasymen quryldy, halyqaralyq qurylymmen resmı akkredıttelgen.
