QR V Jazǵy spartakıadasynyń jeńimpazdary belgili boldy
ALMATY. QazAqparat – Búgin Almatyda QR V Jazǵy spartakıadasynyń jabylý saltanaty ótti, dep habarlaıdy QazAqparat QR Mádenıet jáne sport mınıstrligi Sport jáne dene shynyqtyrý komıtetiniń baspasóz qyzmetine silteme jasap.
Spartakıada 29 qańtarda Nur-Sultan qalasynda bastalyp, sporttyń 40 túri boıynsha 14 oblysta ótkizilgen bolatyn. Olar: ústel tennısi, grek-rım kúresi, erkin kúres, áıelder kúresi, mýaıtaı, kıokýshınkaı-kan karate, sadaq atý, semserlesý, regbı (erler, áıelder), sporttyq gımnastıka, gandbol (erler, áıelder), sporttyq quzǵa órmeleý, sambo, badmınton, boks (erler, áıelder), jelkendi sport, karate-do, at sporty (kedergiden ótý), basketbol (erler, áıelder), kórkem gımnastıka, boks (áıelder), batýttyq gımnastıka, stend atý, jeńil atletıka, sý doby (erler, áıelder), júzý, baıdarka jáne kanoe esý, dzıýdo (erler, áıelder), prezıdenttik kópsaıys, oqpen atý, voleıbol (erler, áıelder), shossedegi velosıped sporty, maýtınbaık, trıatlon, taekvondo, akademııalyq esý, jaǵajaı voleıboly (erler, áıelder), kógaldaǵy hokkeı (erler, áıelder), velosıped sporty (trek), aýyr atletıka jáne tennıs.
Oıyn qorytyndysy boıynsha, birinshi oryndy Almaty qalasynyń sportshylary, ekinshi oryndy – Shymkent qalasynyń, úshinshi oryndy Almaty oblysynyń sportshylary ıelendi.
«QR Mádenıet jáne sport mınıstrligi atynan sportshylardy Sport jáne dene shynyqtyrý isteri komıteti tóraǵasynyń orynbasary Serik Jarasbaev quttyqtady», - dedi komıtetten.
Týrnır uıymdastyrýshysy – QR Mádenıet jáne sport mınıstrligi.
