QR úsh oblysynda kóktaıǵaq, boran saldarynan jol qozǵalysy shekteldi
ASTANA. QazAqparat - QR ІІM TJK saıtynda jol qozǵalysyn shekteý týraly habarlama jańartyldy.
24 naýryzda saǵat 10:50-de aýa raıynyń nasharlaýyna baılanysty (kóktaıǵaq) qoǵamdyq jáne júk kóligi úshin «Astana-Kókshetaý» avtojolynda jol qozǵalysy shekteldi.
Aqmola oblysynda aýa raıynyń nasharlaýyna baılanysty (kóktaıǵaq) respýblıkalyq mańyzy bar «Shýchınsk-Astana (18-230 shaqyrym), «Qostanaı-Áýlıekól-Surǵan» avtojolynda (Qostanaı oblysy shekarasy men SQO shekarasy) qoǵamdyq jáne júk kólikteri úshin jol jabyldy».
Aqtóbe oblysynda aýa raıynyń nasharlaýyna baılanysty (boran, joldyń nashar kórinýi) respýblıkalyq mańyzy bar: "Qandyaǵash-Embi-Shalqar-Yrǵyz" (174-218 shaqyrym., Qotyrtas kenti- Qaıdaýyl kenti); oblystyq mańyzy bar: "Donskoe-Badamsha" (17-76 shaqyrym); "Aqtóbe-Rodnıkovka-Mártók" (10-74 km); aýdandyq mańyzy bar: "Qarǵaly-Herson" (4-17 shaqyrym), "Qarǵaly-Krasnoe pole" (6- 24 shaqyrym), "Mártók-Qyzyljar" (0-30 km), "Hromtaý-Tassaı" (10-28 km), "Mártók-Qarataýsaı" (0-35 shaqyrym), "Mártók-Voznesenovka" (0-25 shaqyrym) joldary jabyldy.
Qostanaı oblysynda aýa raıynyń nasharlaýyna baılanysty (boran, joldyń nashar kórinýi) oblystyq mańyzy bar "Sarykól-Bolshıe Dýbravy" ýchaskesinde (0-56 shaqyrym) jol qozǵalysy shekteldi.
