QR úsh aýyr atletin jarysqa qatysý quqyǵynan aıyrý týraly halyqaralyq federatsııanyń sheshimi ýaqytsha
ASTANA. QazAqparat - Jasulan Qadyrbaev, Ermek Ómirtaı, Almas Óteshovty jarysqa qatysý quqyǵynan aıyrý týraly Halyqaralyq aýyr atletıka federatsııasynyń sheshimi ýaqytsha bolyp tabylady.
Bul týraly QR Aýyr atletıka federatsııasynyń baspasóz qyzmeti habarlady.
Qazaqstandyq taraptyń júginýine HAAF ókilderiniń jaýaby Tártiptik komıssııa shaqyratynyn rastady, olar qazaqstandyq atletterdi jarysqa qatysý quqyǵynan aıyrý ne aıyrmaý jaıynda sheshim qabyldaıdy. Tártiptik komıssııa qazaqstandyq tarap bastamasymen kez kelgen ýaqytta ne HAAF alǵashqy josparly sharasynyń barysynda shaqyrtylýy múmkin.
Budan buryn habarlanǵandaı, QR Aýyr atletıka federatsııasy QR Mádenıet jáne sport mınıstrligimen birlesip, Hıýstonda 2015 jylǵy Álem chempıonatyna qatysqan kezde sportshylardan alynǵan synamada tyıym salynǵan preparattyń bolý faktisi boıynsha birlesken tergeý júrgizgen. Atletter aǵzasyna preparattyń abaısyz túsý faktisi rastalǵan jaǵdaıda, atletterge tártiptik jaza ne qoldanylmaıdy ne eń tómengi mólsher qoldanylýy múmkin.
Qazaqstandyq federatsııada atletter men ulttyq quramany qorǵaý tájirıbesi men múmkindikteri bar.
