QR UOK prezıdenti Lıllehammerdegi jasóspirimder arasyndaǵy Olımpıada oıyndarynyń qola júldegerlerin quttyqtady
ASTANA. QazAqparat - Qazaqstannyń Ulttyq Olımpıada Komıtetiniń Prezıdenti Tımýr Qulybaev Arına Pantova men Elızabet Tursynbaevaǵa Lıllehammerdegi jasóspirimder arasyndaǵy qysqy Olımpıada oıyndarynyń bıatlon jáne mánerlep syrǵanaý boıynsha qola júldege ıe bolǵandary úshin quttyqtaý joldady.
Quttyqtaýda jas sportshylarǵa qazaqstandyq sporttyń damýyna jáne ony álemdik sport arenasynda tanylýyna qosqan úlesteri úshin alǵys aıtyldy.
«Óz ónerlerińdi kórsetý arqyly qazaqstandyq jankúıerlerge jaqsy kóńil kúı syıladyńyzdar. Qol jetkizilgen marapat - kúndelikti eńbekterińizdiń jemisi jáne qazaqstandyq sportty álemniń moıyndaýy boıynsha joly. Myqty qarsylastarmen kúreste qol jetkizilgendikten jeńis óte baǵaly.
Sizderdiń jetistikterińizge aldaǵy ýaqytta da qýanamyz degen úmittemiz!» - delingen Qazaqstannyń Ulttyq Olımpıada Komıtetiniń Prezıdentiniń 2016 jylǵa jasóspirimder arasyndaǵy Olımpıada oıyndarynyń júldegerlerine arnalǵan quttyqtaý hatynda.
