QR UOK Olımpıadaǵa arnap ulttyq naqyshtaǵy kádesyılar daıyndady

ASTANA. KAZINFORM — Frantsııa astanasy Parıj qalasynda ótetin HHHІІІ Jazǵy Olımpıada oıyndarynyń bastalýyna búgin týra on kún qaldy. Atalǵan tórtjyldyq basty dodaǵa Qazaqstan quramasy 25 sport túrinen 80 joldama jeńip aldy.

Osyǵan oraı QR Ulttyq olımpıadalyq komıteti Parıjdegi Olımpıada oıyndaryna arnap elimizdiń mádenı erekshelikterin aıshyqtaıtyn belgisheler daıyndady. Daıyndalǵan árbir buıymdar qazaqtyń ulttyq oıý-órnekterimen bezendirilgen.

Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr.

Qazaqstan quramasy Olımpıada oıyndaryna sporttyń 25 túrinen 80 sportshy 92 joldama jeńip aldy.

Naqtyraq aıtsaq, olar boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi. 

Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵyna belgilengen. 

Oıynǵa álemniń 205 elinen 10 500 sportshy qatysady. 

Onda 32 sport túrinen 329 medal jıyntyǵy sarapqa salynady.