QR UOK bıylǵy jylǵy syılyqty QR Tuńǵysh Prezıdentiniń Murajaı qoryna tapsyrdy (FOTO)
ASTANA. QazAqparat - 2016 jyly 26 aqpanda el Táýelsizdiginiń 25 jyldyǵyna arnalǵan Olımpıada sportynyń kúni aıasynda elimizdiń Ulttyq Olımpıada komıtetiniń atqarýshy dırektory Serik Qasqabasov «QR UOK jyldyń sport salasyndaǵy syılyǵyn» Qazaqstan Respýblıkasy Tuńǵysh Prezıdentiniń Murajaı qoryna tapsyrdy.
Atalǵan syılyq alǵash ret 2015 jyly Qazaqstan Respýblıkasy Ulttyq Olımpıada komıtetiniń prezıdenti Tımýr Qulybaevtyń bastamasymen bekitilgen.
2015 jyly halyqaralyq arenalarda medaldarǵa jáne Rıo-de-Janeırodaǵy Olımpıadaǵa lıtsenzııa utyp alǵan sportshylar, sonymen qatar, olardyń bapkerleri men sala qyzmetkerleri atalǵan syılyqqa ıe boldy.
Elbasy men Qazaqstan Respýblıkasy Tuńǵysh Prezıdentiniń Murajaıyna usynylǵan syılyqtardyń ishinde Olımpıada chempıony A. Vınokýrovtyń velosıpedi, Afınadaǵy Olımpıada oıyndarynyń jeńimpazy B.Artaevtyń gúl-táji, Álem chempıony, boks boıynsha olımpıada chempıony S.Sápıevtiń bylǵary qolǵaby, IBF jáne IBA nusqalary boıynsha bokstan álem chempıondary V. Jırov pen M. Mázimbaevtyń belbeýleri, Olımpıada chempıony O. Shıshıgınanyń medaldary jáne t.b bar.
