QR Ulttyq Ulan sarbazdary ata-analarymen onlaın-rejımde baılanysqa shyqty (FOTO)
QR Ulttyq Ulan baspasóz qyzmetiniń habarlaýynsha, 29 shildede ózderiniń ata-analarymen birinshi bolyp, Qostanaı oblysynan shaqyrtylǵan sarbazdar tildesýge múmkindik aldy. Jalpy bul kúni 6697 áskerı bólimshesine komandalyq basshylyqpen jáne áskerı merzimdi óteý jaǵdaılarymen tanysý maqsatynda 100 ata-ana keldi. Osy ýaqytqa deıin, QR Ulttyq Ulan qataryna osy oblystan 600 jigit shaqyrtylǵan. Sharaǵa bilim berý jáne áleýmettik-quqyqtyq jumystar jónindegi Qazaqstan Respýblıkasy Ulttyq ulany bastyǵynyń orynbasary Muhametqalı Satov, Qostanaı gornızonynyń áskerı prokýrory, oblystyń qorǵanys isteri departamentiniń basshysy, sondaı-aq 2015 jyldyń jeltoqsanynda jáne 2016 jyldyń maýsymynda Qostanaı oblysynan áskerge qabyldanǵan sarbazdardyń ata-analary qatysty.
Ata-analardyń aldynda general-maıor Muhametqalı Satov sóz sóılep, áskerı kúshterdiń qyzmeti jaıynda áńgimelep berdi jáne ata-analardyń saýaldaryna jaýap qaıyrdy. Ata-analarǵa ásker qatarynda mindetterin atqaryp júrgen balalaryn onlaın-rejımde tildesýge múmkindik berildi.
Sonymen qatar áskerı basshylyq bólimshege ekskýrsııa uıymdastyryp, ata-analarǵa áskerdegi sarbazdardyń jaǵdaılarymen tanystyryp shyqty.
