QR Ulttyq tennıs ortalyǵyna «Azııa tennıs ortalyǵy» mártebesi berildi
TANA. 26 tamyz. QazAqparat /Arman Asqarov/ - Búgin Astanadaǵy QR Ulttyq tennıs ortalyǵyna «Azııa tennıs ortalyǵy» mártebesi berildi. Osyǵan oraı búgin Azııa tennıs federatsııasynyń prezıdenti Anıl Kýmar Hanna elordaǵa kelip, Ulttyq tennıs ortalyǵyna «Azııa tennıs ortalyǵy» dárejesiniń berilgendigi týraly jazylǵan arnaıy taqtaıshany resmı túrde ashty.
«Negizi, Qazaqstannyń tennıs federatsııasy eldegi tennıs sportyn damytý jolynda biraz jumys atqardy. Ony biz Devıs kýbogynda qazaqstandyq tennısshilerdiń qol jetkizip jatqan jetistikterinen aıqyn baıqap otyrmyz. Qazaqstan tennısiniń tarıhynda keshe, tamyzdyń 25-si kúni alǵash ret Azııa tennıs federatsııasynyń dırektorlar keńesiniń otyrysy ótip, onda QR Ulttyq tennıs ortalyǵyna «Azııa tennıs ortalyǵy» mártebesin berý týraly sheshim shyǵaryldy. Sebebi Qazaqstan óz elinde ǵana emes, Azııa aımaǵynda tennıs sportynyń damýyna óz úlesin qosa alady. Osyǵan oraı, keshe Azııa tennıs federatsııasy men Qazaqstannyń tennıs federatsııasy arasynda yntymaqtastyq týraly kelisim-shartqa qol qoıyldy. Oǵan sáıkes biz azııa aımaǵynda jasóspirimder tennısin jan-jaqty damytý boıynsha birlesip jumys isteıtin bolamyz», - deıdi Anıl Kýmar Hanna .
Azııa tennıs federatsııasynyń prezıdenti atap kórsetkendeı, búgingi tańda «Azııa tennıs ortalyǵy» mártebesine álem boıynsha tek eki tennıs ortalyǵy ıe. Onyń bireýi Taılandtyń Bangkok qalasynda ornalassa, ekinshisi - Astanadaǵy QR Ulttyq tennıs ortalyǵy.
