QR Ulttyq paralımpıada komıtetiniń prezıdenti bolyp Qaırat Boranbaev saılandy
Komıtettiń burynǵy basshysy Darhan Kaletaev QR velosport federatsııasyn basqarýda.
QR mádenıet jáne sport mınıstri Arystanbek Muhamedıuly Darhan Kaletaevqa jasaǵan jumysy úshin, qol jetkizgen joǵary sporttyq jetistikteri men paralımpıadalyq qozǵalysty damytýǵa qosqan zor úlesi úshin alǵysyn bildirdi. Sonymen qatar balalar men jasóspirimder sportyn damytýda qajyrly eńbek etken Qaırat Boranbaevtyń joǵary biliktiligi týraly aıtyp, paralımpıadalyq sportty odan ári órkendetý men joǵary sporttyq kórsetkishterge qol jetkizý jolynda sáttilik tiledi. Eske salyp ketsek, Qaırat Borambaev «Qaırat» FK baqylaýshylar keńesiniń tóraǵasy bolyp tabylady. Búgingi kúni Qazaqstannyń Ulttyq paralımpıada komıteti Halyqaralyq paralımpıada komıtetimen akkredıtatsııadan ótken Azııa paralımpıada komıtetine (aımaqtyq ókili), IWAS (múgedekter federatsııasy) múmkindigi shekteýli jandardyń búkilálemdik voleıbol uıymyna múshe bolyp tabylady. Sonymen birge Výokattı sport ınstıtýty (Fınlıandııa), Dýbaı múgedekter klýby (BAÁ), Múgedekterdiń atý klýby (Ulybrıtanııa), "Start" múgedekter sport klýby (Polsha) sekildi uıymdarmen áriptes. 2013-2015 jyldar aralyǵynda paralımpıadashylarymyz 28 halyqaralyq saıysqa qatysyp, 74 altyn, 102 kúmis jáne 104 qola jeńip aldy, sóıtip jalpy sany 280 júldeni qanjyǵasyna baılady. QR UPK quzyrly memlekettik organmen birlese otyryp 2016 jyly Rıo-de-Janeıroda (Brazılııa) bolatyn Jazǵy paralımpıadalyq oıyndarǵa daıyndyq jumystaryn júrgizýde. Qazirgi ýaqytta respýblıka aýmaǵynda UPK 12 aımaqtyq fılıaly jumys jasaıdy, jýyrda taǵy bir fılıaldy iske qosý josparlanýda.
