QR Ulttyq panteony 1-inshi kezeńiniń qurylysyna 2,3 mlrd. teńge qarjy jumsalady dep kútilýde
ASTANA. QazAqparat - Astana qalasynyń Kommýnaldyq sharýashylyq basqarmasynyń habarlaýynsha, búgingi tańda Qazaqstan Respýblıkasynyń Ulttyq panteonynyń jobalaý-smetalyq qujattamasyn ázirleý jumystary júrgizilýde.
Bul týraly qala ákiminiń baspasóz qyzmeti habarlady.
TEN boıynsha birinshi kezeńniń qurylysyna 2,3 mlrd. teńgeden aspaıtyn qarjy jumsalady dep kútilýde. Bul qarjyǵa Qabanbaı batyr kesenesin kúrdeli jóndeý,onyń aýmaǵyn jáne janyndaǵy zırattarǵa qulpytastar qoıyp, abattandyrý jumystar júzege asyrylady. Tıisti jumystar jalpy aýdany 5 ga jerde júrgiziledi.
Jobanyń birinshi kezeńin iske asyrý Panteonnyń aldaǵy birneshe jyl boıy jumys isteýin qamtamasyz etedi. Kelesi kezeńderdi iske asyrý qajettiligine qaraı júzege asyrylatyn bolady.
Ulttyq panteonnyń ornalasqan jeri - Astana qalasynan ońtústikke qaraı 17 shaqyrym jerde, Aqmola oblysy Tselınograd aýdany Qabanbaı batyr aýylynyń mańy.
