QR Ulttyq Olımpıadalyq komıteti Shymkentte sport alańdaryn ashady
ASTANA. QazAqparat - Qazaqstan Respýblıkasynyń Ulttyq Olımpıadalyq komıteti elimizdiń aımaqtarynda ashyq aspan astynda sportpen aınalysýǵa arnalǵan sport alańdaryn ashyp jatyr. Bul týraly Ulttyq Olımpıadalyq komıtetiniń baspasóz ortalyǵy habarlady.
Jaqyn arada Street workout sport alańdary Shymkent qalasynda boı kóteredi. Osyǵan oraı Ulttyq Olımpıadalyq komıteti men Qazaqstannyń Street Workout federatsııasynyń ókilderi Shymkent qalasynda bolyp, oblys jáne qala basshylyǵymen kezdesti.
«Qazirgi tańda bolashaq sport alańdary salynatyn jerler anyqtalyp, dıyndyq jumystary júrip jatyr. Shymkentte osyndaı 4 alań bolady. Onyń árqaısysynda 20-dan astam sport quraly bolady», delingen habarlamada.
Aımaqtardaǵy belsendi jumystar Qazaqstan Respýblıkasy Ulttyq Olımpıadalyq komıtetiniń prezıdenti Tımýr Qulybaevtyń tapsyrmasymen júrgizilip jatyr. «Basty maqsat - balalar men jastardy dene shynyqtyrýǵa baýlaý, salaýatty ómir saltyn nasıhattaý, buqaralyq sportty damytý. Ashyq aspan astyndaǵy sporttyq alańdar kez kelgen jastaǵy adamdardyń densaýlyqtaryn nyǵaıtýǵa septigin tıgizý», dep atalyp ótilgen baspasóz habarlamasynda.
