QR Ulttyq Olımpıada komıtetiniń vıtse-prezıdenti Tımýr Dosymbetov ómirden ozdy
ALMATY. QazAqparat - QR Ulttyq Olımpıada komıtetiniń vıtse-prezıdenti, QR Eńbek sińirgen sport sheberi Tımýr Dosymbetov 58 jasqa qaraǵan shaǵynda qaıtys boldy. Bul aqparatty Shtattyq Ulttyq komandalar dırektsııasynyń baspasóz hatshysy Ardaq Toǵymov habarlady.
Nebári 25 jasynda Tımýr Dosymbetov bessaıystan Álem chempıony atanǵan. 1990 jyldan beri onyń ómiri men qyzmeti Ulttyq Olımpıada Komıtetimen baılanysty boldy. 1982 jyly KSRO-nyń eńbegi sińgen sport sheberi, Memlekettik teleradıonyń sýperkýbogynyń ıegeri, Tallındegi qysqy chempıonattyń jeńimpazy, «Dınamo» dene shynyqtyrý sport qoǵamdastyǵy tóraǵasynyń orynbasary. «Astana» (1998), «QR Táýelsizdigine 10 jyl» (2001) medaldarymen marapattalǵan.
