QR Ulttyq Olımpıada komıteti mamyr aıynyń úzdik quramasyn anyqtady
NUR-SULTAN. QazAqparat - Qazaqstan Ulttyq Olımpıada komıtetiniń resmı saıtynda aıdyń úzdik sportshysyn anyqtaýǵa arnalǵan saýalnama aıaqtaldy, dep habarlaıdy QazAqparat.
Daýys berý qorytyndysy boıynsha mamyr aıynyń úzdik sportshysy ataǵyn slalomdy esýden Qazaqstan quramasy ıelendi.
Qazaqstandyqtar sportshylar men komandalardy qosqanda, barlyǵy 9 úmitker úshin daýys berdi.
Olar:
- slalomdy esýden Qazaqstan komandasy,
- kanoe men baıdarkada esýden Qazaqstan komandasy,
- bokstan Qazaqstan áıelder komandasy,
- Vladıslav ıAkovlev (akademııalyq esý),
- Janna Mamajanova (jeńil atletıka),
- hokkeıden Qazaqstan quramasy,
- Qaısar Alpysbaı (karate),
- aýyr atletıkadan Qazaqstan komandasy,
- taekvondodan Qazaqstan komandasy.
8 maýsym kúni saǵat 13:00-de sportshylarǵa daýys berý aıaqtaldy. Onyń nátıjesi boıynsha slalomdy esýden Qazaqstan quramasy 68,40% jınap, aı úzdigi atandy. Bokstan Qazaqstan áıelder quramasy ekinshi orynnan kórinse, hokkeıden Qazaqstan quramasy úshinshi boldy.
