QR Ulttyq Olımpıada komıteti dopıngke qarsy ıÝNESKO-men birlesip kúrespek
Qujatqa QR UOK bas hatshysy Sáken Musaıbekov jáne ıÝNESKO-nyń Qazaqstan, Qyrǵyzstan jáne Tájikstan boıynsha klasterli bıýrosynyń dırektory Krısta Pıkkat qol qoıdy.
QR UOK-dan málim etkendeı, memorandým Ortalyq Azııada qabyldanǵan alǵashqy qujat.
Memorandým aıasynda dopıngpen kúres kezinde kúsh biriktirip, dene tárbıesi men sportty nasıhattaýǵa mán berilmek. Odan bólek, qazaqstandyqtar arasynda olımpıadalyq qozǵalysty damytýǵa, jalpyǵa ortaq jáne teńdeı sportty qoldaýǵa erekshe kóńil bólinedi. Sondaı-aq jalpyǵa arnalǵan sport, bilim jáne genderlik teńdik jónindegi birlesken jumystardyń negizgi baǵyttary da belgili boldy.
«Taza sportshylardy qorǵap, dopıngpen kúresý álemdik Olımpıada qozǵalysynyń, onyń ishinde Qazaqstannyń da basty múddeleriniń biri. Olımpıada hartııasy, Búkilálemdik dopıngke qarsy kodeks pen Sporttaǵy dopıngpen kúresý jónindegi halyqaralyq konventsııa dopıngpen kúres jolyndaǵy basty qujattar sanalady. Aıta ketelik, Beıjiń Olımpıadasy ıÝNESKO aıasyndaǵy Dopıngpen kúres jónindegi halyqaralyq konventsııa kúshine engen soń ótkizildi. Qazaqstan bul qujatty 2009 jyly ratıfıkatsııalady», - delingen habarlamada.
Sáken Musaıbekovtiń aıtýynsha, QR UOK halyqaralyq uıymdarmen qarym-qatynasty nyǵaıtýǵa úlken kóńil bóledi.
«Onyń ústine, Halyqaralyq Olımpıada komıteti men ıÝNESKO qarym-qatynasynyń kirpishi baıaǵyda qalanǵan. Kóptegen salalarda bir-birine qoldaý kórsetedi. Biz óz elimizdegi áriptestikti damytyp, kórsetilgen baǵyttar boıynsha belsendi túrde qyzmet etýge daıynbyz. Búginnen bastap resmı túrde áriptes atandyq. Bul qadam bizdiń birlesken jumysymyzǵa jańa serpin berip, ortaq maqsatqa jetý jolynda kómekteseri sózsiz», - dedi ol.
Krısta Pıkkattyń atap ótýinshe, ıÝNESKO úshin sport jaı ǵana jarys nemese dene tárbıesi emes. Sport - tolerantty, ádiletti jáne beıbit qoǵam qalyptastyrýdaǵy negizgi quraldardyń biri. Ol adamdardy jynysy men senimine, násiline qaramastan biriktiredi.
«Aramyzdaǵy áriptestik sportty damytýǵa jańa kúsh berip, Qazaqstandaǵy olımpıadalyq qozǵalysty nasıhattaı túseri anyq»,- dedi ol.
Aıta keteıik, búginge deıin QR UOK men ıÝNESKO-nyń birneshe birlesken jobasy iske asyryldy. Sonyń biri - ótken jyldyń aıaǵynda uıymdastyrylǵan «Girls Power"»Women Athletes' Career Transition Program» birlesken semınar-trenıngi. Baǵdarlama sportshy qyzdar men sporttyq mansabyn aıaqtaǵan nemese aıaqtaýǵa jaqyn jandardyń ózge de áleýmettik salalarǵa aýysýyna baǵyttalǵan. Qazaqstanda alǵash ret ótkizilgen joba atletter tarapynan úlken qyzyǵýshylyq týdyrǵandyqtan, bolashaqta da jalǵasyn tabary sózsiz.
Eske salaıyq, qazaqtyń ulttyq oıyny «Asyq atý», «Qazaq kúresi», sondaı-aq suńqarmen ań aýlaý saıatshylyq óneri ıÝNESKO-nyń materıaldyq emes mádenı muralary tizimine engen.