QR Ulttyq mýzeıiniń toptamalary Peterbordyń ataqty sýretshileri týyndylarymen tolyqty (FOTO)
ASTANA. QazAqparat - Búgin, 23 qańtarda Qazaqstan Respýblıkasy Ulttyq mýzeıinde orys sýretshileri Latıf Kazbekov pen Alekseı Talaşýktiń «Biz birgemiz» kórmesiniń jabylýy aıasynda dóńgelek ústel ótti.
Shara QR Ulttyq mýzeıi basshylyǵy men qyzmetkerleriniń, Qazaqstandaǵy Reseı Federatsııasy Elshiliginiń keńesshileri Valentına Lysenko men Vıktor Nefedovtyń, «Kaspi bank» AQ Dırektorlar keńesiniń tóraǵasy Vıacheslav Kımniń, «Peterbýrgtiń erkin sýretshileri» jobasynyń jetekshisi ıÝrıı Saýlıdıdiń, Qazaqstan Sýretshiler odaǵynyń músheleri Ahmetjan Qalıolla, Armat Bektasov jáne Sembiǵalı Smaǵulovtardyń jáne Astana qalasy Sýretshiler odaǵynyń tóraǵasy Toqtar Ermekovtyń, óner zerteýshisi, Á. Qasteev atyndaǵy QR MÓM-niń zamanaýı sheteldik óner ortalyǵynyń jetekshisi Elızaveta Kımniń qatysýymen ótti.
Kezdesýge qatysýshylar Peterbýrg sýretshileriniń beıneleý ónerin Qazaqstanda jáne qazaqstandyq sýretshilerdiń týyndylaryn Sankt-Peterbýrgte «Peterbýrgtiń erkin sýretshileri» qoǵamdyq birlestigimen birlese otyryp kópshilikke taratý máselelerin talqylady.
«Qazaqstanda búgingi tańda bolyp jatqan oqıǵalarǵa qýaný kerek. Biz mýzeı basshylyǵynyń arqasynda endi yntymaqtastyq jóninde josparlar qura alamyz. Bul kórme - alǵashqy qarlyǵash, biz Qazaqstanǵa kóptegen ataqty petebýrgtyq zamanaýı sýretshilerdiń kórmelerin ákelýdi josparlaýdamyz, ári qazaqstandyq sýretshilerdi ózimizde kórsetýdi josparlaýdamyz. Bir-eki jyl ótken soń, bul mýzeıge álemniń eń myqty sýretshileri kórmelerin ótkizýge umtylatyn bolady. Kórme eki sýretshiniń týyndylaryn biriktirgeni úshin ǵana «Biz birgemiz» dep atalmaıdy, ol sonymen qatar bizdiń Qazaqstanmen birge bolǵandyǵymyzdan, bizdiń dos ári kórshi bolǵandyǵymyzdan osylaı atalady. Osy jerde biz sizderdiń qoldaýlaryńyzdy sezinemiz», - dedi óz sózinde ıÝrıı Saýlıdı.
«Peterbýrgtiń erkin sýretshileri» qoǵamdyq birlestigi óziniń aldyna Peterbýrgtiń akademııalyq kórkem sýret mektebiniń keremet dástúrleri negizinde jumys jasaıtyn sýretshilerdiń jáne shyǵarmalary 70-80 jyldary sotsıalıstik realızmniń resmı mádenıet saıasatymen kelispegen alpysynshy jyldardyń sýretshileriniń týyndylaryn saqtaýdy jáne kópshilikke taratýdy maqsat etip qoıǵan. Alpysynshy jyldardyń sýretshileri óz týyndylaryn akademııalyq kórkem sýret negizine súıenip jasady. Olardy resmı óner kóbinese qabyldamady, sondyqtan olar kórmelerge qoıylmady jáne kópshilik qaýymǵa tanymal bolǵan joq.
QR Ulttyq mýzeıi «Peterbýrtiń erkin sýretshileriniń» jobasyn qoldaıdy jáne keleshekte eki memleket arasynda biryńǵaı mádenı keńistik jasaý jáne damytý baǵytyndaǵy yntymaqtastyqty odan ári jalǵastyrady.
Dóńgelek ústelden keıin sýretshiler QR Ulttyq mýzeıine osy kórmege qatysqan ózderiniń birneshe sýretterin syıǵa tartty. L. Kazbekov «Qarqyndy» degen týyndysyn, «Kaspi bank» AQ Dırektorlar keńesiniń tóraǵasy Vıacheslav Kım «Berik» degen belgili kartınasyn mýzeıge syıǵa tartty. Kásipkerdiń bul metsenattyq syıy bir rettik shara emes. Ol óziniń QR Ulttyq mýzeıi qorynyń jyl saıyn óner týyndylarymen tolyǵyp turýyna at salysatynyn jetkizdi.
QR Ulttyq mýzeıi Alekseı Talaşýkten «Qaıyqshy» dene kartınasyn aldy. Al, sýretshiniń ózi mýzeıge «Altyn balyqtyń óbýi», «Tereze aldynda» kartınalaryn syıǵa tartty.
