QR Ulttyq mýzeıinde «Naýryz - jańǵyrý nyshany» atty merekelik shara ótti

ASTANA. QazAqparat - Qazaqstan Respýblıkasy Ulttyq mýzeıinde Naýryz merekesine oraı «Naýryz - jańǵyrý nyshany» atty merekelik shara jáne mádenı-tanymdyq «Mýzeıdegi tún» aktsııasy ótti, dep habarlaıdy QR Ulttyń mýzeıiniń baspasóz qyzmeti.

Merekelik shara barysynda elorda turǵyndary men qonaqtaryna izgilik pen beıbitshilik merekesi - Naýryzǵa baılanysty qazaq halqynyń salt-dástúrleri kórsetildi. Qazaqtyń asyq atý, arqan tartý, qol kúresi syndy ulttyq oıyndary oınatylyp, naýryz kádesi jasalyp, aqyndar aıtysy ótti.



Sonymen qatar, Astana qalalyq mamandandyrylǵan balalar úıiniń búldirshinderi úshin tusaýkeser rásimi uıymdastyrylyp, ejelgi túrki qarý-jaraqtary, etnománerdegi úılený toıy kıimderiniń jáne kıizden daıyndalǵan kıimderdiń defılesi kórsetildi.



Sondaı-aq, kıiz úıdiń qurylysy men jabdyqtary týraly lektsııa, kıizden oıynshyq jasaý, kenepke sýret salý, sándik ınterer jáne oıý-órnek, dánnen panno jasaý, keramıkalyq buıymdar ázirleý boıynsha sheberlik-synyptary ótti.

 

Astana qalasyndaǵy Olga Krıýkovanyń Dızaın jáne Sán mektebiniń stılısteri men ımıdj sheberleri usynǵan arnaıy sheberlik-synyptary da mýzeıge kelýshilerdiń qyzyǵýshylyqtaryn týǵyzdy.

 

«Naýryz - jańarý nyshany» atty shara tańerteńgi 10:00-de bastalyp, sońy «Mýzeıdegi tún» aktsııasymen jalǵasty. Atalmysh joba resmı túrde Ulttyq mýzeıdiń úlken májilis zalyndaǵy Qazaqstan halqy assambleıasynyń «Bir shańyraq astynda» atty kontsertimen bastaldy.

Bul keshte Qazaqstan halqy assambleıasy tóraǵasynyń orynbasary Darhan Myńbaı: «Naýryz - tek túrkiniń nemese jalpy adamzattyń ǵana emes, bile-bilgenge tabıǵattyń da toıy. Al, tabıǵat garmonııalyq qubylys. Bizdiń óz ishki álemimiz ben qoǵamymyzda tabıǵatqa tán garmonııa bolǵanda ǵana bul toı óz dárejesinde atalyp ótti dep aıta alamyz. Al, qazirgi qazaq qoǵamyndaǵy beıbitshilik, elimizdegi turaqtylyq pen halyqtar dostyǵynyń qandaı dárejede ekeni ózderińizge aıan. Sondyqtan, men Naýryz toıy bizdiń dalamyzda tabıǵattyń ózimen birdeı toılanady dep oılaımyn», - dedi.



«Mýzeıdegi tún» aktsııasynda mektep jasyndaǵy oqýshylar men stýdentterge arnap «Arheologııalyq kvest» oıyny jáne «Jas arheolog» atty ǵylymı shoý baǵdarlama uıymdastyryldy. Sheberler aýylynda zergerlik buıymdardyń, aǵashtan, teriden jasalǵan buıymdardyń, sol sııaqty kádesyılar men kitaptardyń jármeńkesi uıymdastyryldy.

Aıta ketý kerek, 2015 jyly ótken «Mýzeıdegi tún» sharasyna 23 myń adam qatyssa, 2016 jyly kelýshilerdiń sany 30 myńnan asty. Bıylǵy jyly da halyqtyń bul aktsııaǵa degen qyzyǵýshylyqtary joǵary. Osy sebepten budan bylaı Ulttyq mýzeı atalǵan aktsııany jylyna 4 márte uıymdastyrýdy josparlap otyr.