QR Ulttyq mýzeıinde «Qazaq mádenıetindegi ulttyq áshekeıler» kórmesi ashyldy (FOTO)
ASTANA. QazAqparat - Dástúrlerdi saqtap, sabaqtastyrý halyqtyń rýhanı túleýine jol ashady, dedi QR Ulttyq mýzeıiniń dırektory Darhan Myńbaı «Qazaq mádenıetindegi ulttyq áshekeıler» atty kórmeniń ashylýynda.
«Bul kórmeniń qazaq memlekettiliginiń 550 jyldyǵy qarsańynda ashylýynyń zor máni bar. Qazirgi qoǵam úshin ata-babamyzdyń dástúrlerin jalǵastyryp, saqtaı bilýdiń mańyzy úlken. Ónerdegi sabaqtastyq bolýy tıis, bizdiń jerimiz qashan da zergerler ónerimen dańqy shyqqan», - dep atap ótti QR Ulttyq mýzeıiniń dırektory.
«Temirden túıin túıip, aǵashtan oıý oıǵan sheberlerimizdi qoldap otyrý qajet. Bizdiń maqsatymyz - dástúrli ónerdi keńinen taratý. Zergerlik óner atadan balaǵa, urpaqtan urpaqqa jalǵasyp keledi. Dástúrlerdiń sabaqtastyǵy jáne ony saqtaý halyqtyń rýhanı túleýine jol ashady», dep sanaıdy D.Myńbaı.
Kórmege Serjan Báshirovtiń, Baqtııar Artyqbaevtyń, Murat Dúısenovtiń, Dáýlet Imanǵalıevtiń, «AMINA JEWELS KAZAKHSTAN» zergerlik buıymdary qoıyldy.
«Bizdiń ortalyq halqymyzdyń dástúrli ónerin saqtaýǵa bastamashy boldy. Elbasy aıtqandaı, «dástúr men mádenıet - ulttyq genetıkalyq kody». Osyndaı qoldaýǵa jigerlene otyryp, biz, mine, osyndaı jobalardy iske asyrýdamyz», - dedi «Otbasym» ulttyq qundylyqtar ortalyǵynyń dırektory Sholpan Syzdyqova.
Kórme 25 jeltoqsanǵa deıin jalǵasady.
