QR Ulttyq mýzeıinde «Ermıtaj kúnderi» ótedi

ASTANA. QazAqparat - 1,2 jeltoqsanda Qazaqstan Respýblıkasy Ulttyq mýzeıinde QR Tuńǵysh Prezıdenti kúni aıasynda Memlekettik Ermıtaj ben QR Ulttyq mýzeıi arasyndaǵy birlesken yntymaqtastyq shartyn júzege asyrý negizinde «Ermıtaj kúnderi» ótedi, dep habarlaıdy mýzeıdiń baspasóz qyzmetinen.

Ǵylymı restavratsııa, ǵylymı-aǵartýshylyq jumystary, mýzeı eksponattaryn saqtaý men qorǵaý boıynsha mýzeı isiniń iri mamandarynan turatyn delegatsııany tarıh ǵylymdarynyń doktory, professor, RǴA korrespondent-múshesi, Reseı mýzeıleri odaǵynyń tóraǵasy, Halyqaralyq mýzeıler keńesiniń múshesi (IKOM), tarıhshy-shyǵystanýshy, arabtanýshy jáne ıslamtanýshy, Taıaý Shyǵystyń ejelgi jáne ortaǵasyrlyq tarıhy, Arab túbeginiń tarıhy, Saba, Hımıar, Quran jáne ıslamnyń erte tarıhy, ejelgi arab jazýlary, arabtardyń epostyq ańyzdary, arab qoljazba kitaby, musylman mádenıeti salalaryn zerttegen Memlekettik Ermıtajdyń Bas dırektory Mıhaıl Pıotrovskıı bastap keledi.

Mýzeı jobasynyń baǵdarlamasyna lektsııalar, semınarlar, sheberlik sabaqtary, kezdesýler, mýzeılerdiń IKOM Halyqaralyq Keńesimen birlesip qyzmet etý boıynsha, sonymen qatar, álemge máshhúr Ermıtaj týraly vırtýaldy kórme sııaqty halyqaralyq mýzeı jobalary aıasynda mýzeı salalaryn damytý syndy ózekti máselelerdi talqylaý engizilgen.