QR Ulttyq mýzeıinde «Bolashaqqa kózqaras: mańyzdy mura» kórmesi ashylady

«Búgin QR Ulttyq mýzeıinde «Astana EKSPO-2017» ulttyq kompanııasynyń qoldaýymen «Bolashaqqa kózqaras: mańyzdy mura» kórmesi ashylady. Atalǵan jobanyń maqsaty - mańyzdy óner alańynda jumys istep júrgen qazaqstandyq sýretshilerdiń shyǵarmashylyǵyn nasıhattaý. Olar búginde shetelde keńinen tanymaldyqqa ıe bolyp otyr», - dedi QR Ulttyq mýzeıiniń qazirgi zamanǵy óner ortalyǵynyń jetekshisi Roza Ábenova Ortalyq kommýnıkatsııalar qyzmetindegi brıfıngte.

Onyń sózine qaraǵanda, kórmede Sáken Narynov, Rashıd Núrekeev, Elena Vorobeva, ıÝlııa Sorokına, Sáýle Dúısenbınova sekildi sýretshilerdiń týyndylary jurtshylyq nazaryna usynylmaq.

«Bul sýretshiler túrli kórkemóner tájirıbesinde jumys isteýde. Olar búginde Qazaqstannyń beıneleý óneri tarıhyna ózindik iz qaldyrý úshin talpynys jasap keledi. Osy rette qandaı da bir rýhanı jáne mádenı estelikti qalyptastyrý baǵytynda aıanbaı eńbek etýde», - dedi R. Ábenova.