QR Ulttyq mýzeıi #Bizbirgemiz naýqanyna qoldaý bildirdi
QR Ulttyq mýzeıiniń dırektory Arystanbek Muhamedıuly qala turǵyndaryn atalmysh chellendjdi qoldaýǵa shaqyrdy.
«Tursynbek Qabatovtyń úndeýin Memleket basshysy qoldap, keńinen nasıhattaǵany bárimizge úlken serpilis boldy. Bizdiń jaınaǵan elordamyzdyń tazalyǵy úshin QR Ulttyq mýzeıi de qýana atsalysýda. Elimizdiń birligi, onyń rýhanı baılyǵy, joǵary deńgeıi osyndaı ıgi isterden kórinedi dep oılaımyn. Memleket basshysy bıylǵy jyldy «Volonter jyly» dep jarııalady. Sondyqtan búkil qazaqstandyqtardy bul chellendjdi qoldaýǵa shaqyramyn», - dedi mýzeı dırektory.
Aıta keteıik, keshe elorda jastary áleýmettik jelide qar kúreý chellendjin bastady. Elorda eriktilerin Memleket basshysy Qasym-Jomart Toqaev qoldady. Sondaı-aq, belgili ázil-syqaqshy, telejúrgizýshisi Tursynbek Qabatov, jýrnalıst, telejúrgizýshi Ashat Sadyrbaı, Qallekı teatrynyń ártisteri jáne «Jas Otan» jastar qanaty qoldaý bildirdi.