QR Ulttyq murajaıynda «Tarıhı fotosýretter» respýblıkalyq fotobaıqaýy ótedi
ASTANA. QazAqparat - Qazaqstan Respýblıkasynyń Ulttyq mýzeıi jarııalaǵan «Tarıhı fotosýretter» respýblıkalyq baıqaýyna fotosýretter qabyldaý jalǵasýda. Baıqaý Qazaq handyǵynyń 550 jyldyǵy, Jeńistiń 70 jyldyǵy, QR Konstıtýtsııasy men Qazaqstan halqy Assambleıasynyń 20 jyldyǵyna arnalyp otyr.
Bul týraly QR Ulttyq murajaıynyń baspasóz qyzmeti habarlady.
Baıqaýdyń maqsaty - qazaq tarıhynyń asa mańyzdy oqıǵalaryna qoǵam nazaryn aýdarý, osy arqyly jas urpaqtyń týǵan eliniń bolashaǵy men tól tarıhyna degen qurmetin arttyrý.
Fotobaıqaý 2015 jylǵy 30qazanǵa deıin júrgiziledi, al jeńimpazdardy marapattaý 2015 jylǵy 20 qarashada ótedi. Baıqaý júldesi - 1-oryn 200 myń teńge (oǵan qosa, 1-oryn ıegeriniń fotolarynan Ulttyq mýzeıde jeke fotokórmesi uıymdastyrylady), 2-oryn - 200 myń teńge, 3-oryn - 100 myń teńge. Baıqaý qorytyndysyna sáıkes Ulttyq mýzeıde tarıhymyzdaǵy ataýly datalardyń fotoqujattar muraǵaty jasalatyn bolady.
