QR Ulttyq muraǵatynda atom jarylysy qurbandaryn eske alý sharasy ótti
ASTANA. 9 tamyz. QazAqparat - Búgin elordadaǵy QR Ulttyq muraǵatynda atom jarylysy qurbandaryn eske alý kúni ótti.
Óz sózinde atalǵan muraǵattyń bas dırektory Yrysty Sarıeva Japonııanyń Hırosıma men Nagasakı qalalarynda tastalǵan jáne Semeı polıgonynda synalǵan 450-den astam atom jarylystary, Chernobyl men Fýkýsıma atom elektr stansalaryndaǵy apattar kóptegen adamdardyń ómirin qıyn, densaýlyqtaryna aıtarlyqtaı nuqsan keltirgendigin toqtalyp ótti.
«Bizdiń maqsatymyz - bolashaq urpaqtarǵa atom jarylysy mıllıondaǵan adamzat balasyna qaıǵy-qasiret ákeletindigi týraly aqparat jetkizý, keleshek urpaqtarymyzdy bundaı qatelikterge boı aldyrmaýǵa úndeý», - dedi ol.
Esterińizge sala keteıik, QR Ulttyq muraǵaty 6-29 tamyz kúnderi aralyǵynda ıadrolyq jarylys qurbandaryn eske alýǵa arnalǵan is-sharalar tsıklin ótkizýde.
