QR Ulttyq muraǵatynda Anatolıı Hrapatyıdyń jeke qujattarynyń tanystyrylymy ótti
ASTANA. 24 qazan. QazAqparat - Búgin Astanada QR Ulttyq muraǵatynda aýyr atletıkadan Olımpıada chempıony Anatolıı Hrapatyıdyń jeke qujattarynyń tanystyrylymy ótti. Sonymen qatar osy shara barysynda eki dúrkin Olımpıada chempıony Ilıa Ilınmen kezdesý uıymdastyryldy.
Aıta keteıik, A. Hrapatyı Beıjiń Olımpıadasyna birneshe kún qalǵanda kólik apatynan mert bolǵan edi. Ol bes dúrkin álem chempıony, tórt márte Eýropa chempıony atandy jáne 1988 jyly Seýlde Olımpıada altynyna qol jetkizdi. Al 1996 jyly Atlanta Olımpıadasynda kúmis júldeni jeńip aldy. A. Hrapatyı 4 jyl burynǵy Beıjińdegi dodaǵa aýyr atletıkadan qazaqstandyq qurama komandasynyń jattyqtyrýshysy retinde attanbaq edi.
Búgingi kórme barysynda sportshynyń 70-ten astam sırek kezdesetin muraǵattyq qujattary qoıyldy.
«2008 jyly Anatolıı Mıhaılovıch Hrapatyımen Olımpıada oıyndaryna jınalyp jatqan edik. Alaıda, sol kezde onyń ómirden ozǵany jaıynda qaıǵyly habar kelip tústi. Bul habar barshamyzdyń qabyrǵamyzǵa batty. Osydan keıin maǵan jaýapkershilik artqanyn sezindim jáne sol jolǵy jeńisimdi men Anatolıı Mıhaılovıchqa arnadym. Atap aıtqanda, bul kisi aýyr atletıkadan jetistikterdi baǵyndyrýda bizge jol ashty», - dedi I. Ilın.
