QR Ulttyq qorǵanys ýnıversıtetinde dıplomdardy tapsyrý saltanaty ótti

ASTANA. 17 maýsym. QazAqparat - Qorǵanys mınıstriniń birinshi orynbasary - Qazaqstan Qarýly kúshteri Bas shtabynyń bastyǵy general-polkovnık Sáken Jasuzaqovtyń qatysýymen QR Ulttyq qorǵanys ýnıversıtetiniń ofıtserlerine dıplomdardy tapsyrý saltanaty ótti.
None
None

Bıyl oqýlaryn aıaqtaǵandyǵy týraly qujatty 115 sardar aldy. Bul týraly mınıstrliktiń baspasóz qyzmetinen málim etti.

Ulttyq qorǵanys ýnıversıtetinde professor-oqytýshylar quramynyń eń úzdik pedagog-mamandary jumys isteıdi. Olardyń mindeti áskerı ekonomıkany, áskerı óndiristi jáne áskerı ǵylym men jańa tehnologııany jetildirý máselelerin sheshe alatyn, joǵary bilikti ofıtserlerdi, áskerı-ǵylymı jáne ǵylymı-pedagogıkalyq kadrlardy daıyndaý bolyp tabylady.

Qorǵanys mınıstri Ádilbek Jaqsybekovtyń bergen baǵasy boıynsha Ulttyq qorǵanys ýnıversıtetiniń professor-oqytýshylar quramy kadrlardy daıarlaý júıesin jetildirýge ózindik úlesterin qosýda. Olardyń ólsheýsiz eńbekteri Qarýly kúshterdiń damýyna, Memleket basshysynyń áskerı bilimniń sapasyn halyqaralyq standarttarǵa saı arttyrý jónindegi qoıǵan tapsyrmalaryn oryndaýǵa múmkindik týdyrýda.

Ulttyq qorǵanys ýnıversıtetiniń qabyrǵasynan 2011 jyly áskerı jáne memlekettik basqarý fakýltetine túsken ofıtserler magıstratýrany bıyl tuńǵysh bitirip shyqpaq. Bul bıylǵy jyldyń bir ereksheligi bolyp tabylady.

Áskerı jáne memlekettik basqarý fakýlteti Qazaqstannyń áskerı bilim júıesinde joǵary baǵalanady. Sebebi fakýltet jedel-strategııalyq deńgeıdegi mamandardy daıyndaýdy júzege asyrady. Ol qurylǵanǵa deıin qazaqstandyq ofıtserler men generaldarǵa shet elderde bilim alýǵa týra keldi.

«Qazaqstanda áskerı jáne memlekettik basqarý fakýltetiniń ashylýymen úsh deńgeıli áskerı bilim júıesin qurý aıaqtaldy. Demek Qarýly kúshterdi vzvodtan bastap Qarýly Kúshter túrleri men tekterin, Bas shtab pen Qorǵanys mınıstrligin kadrlarmen tolyqtyrý tolyqtaı júzege asyryldy»,- dep atap ótti sap túzegen sardarlar aldynda Qarýly Kúshter Bas shtabynyń bastyǵy general-polkovnık Sáken Jasuzaqov.

Eki jyl boıy magıstranttar strategııa teorııasyn, jedel óner, ásker túrleri men tekterin, barlyq qamtamasyz etý túrlerin jaýyngerlik qoldanýdyń ádis tásilderin úırenip shyqty.

Ózderiniń teorııalyq bilimderin ártúrli sala boıynsha jetildirý úshin Ulttyq qorǵanys ýnıversıtetiniń magıstranttary Qytaıdyń Ulttyq qorǵanys ýnıversıtetinde, Ulybrıtanııanyń Koroldik áskerı kolledjinde bolyp qaıtty. Ýnıversıtettiń magıstranttaryna dáris oqý úshin Býndesver Áskerı akademııasynan, NATO-nyń «Beıbitshilik úshin seriktestik» daıyndyq Ortalyǵynan, Qytaı men AQSh-tyń Ulttyq qorǵanys ýnıversıtetterinen professorlar keldi.

Sondaı-aq bıyl Ulttyq qorǵanys ýnıversıtetinde tuńǵysh ret ishki áskerler fakýltetiniń de oqý bitirý saltanaty ótkizilgendigin atap ótken jón.

Ulttyq qorǵanys ýnıversıteti Ortalyq Azııa aımaǵyndaǵy UQShU-ǵa múshe memleketterdiń áskerı qyzmetshileri oqyp bilim alatyn birden-bir oqý orny. Munda Qyrǵyz Respýblıkasy men Tájikstan Respýblıkasynan áskerı qyzmetshiler bilimderin shyńdaýda.

Ujymdyq qaýipsizdik sharty uıymy Qorǵanys Mınıstrleri Keńesiniń 2005 jyldyń 30 qarashadaǵy sheshimine sáıkes Ulttyq qorǵanys ýnıversıteti Ujymdyq qaýipsizdik sharty uıymyna múshe-memleketterdiń Qarýly Kúshterine áskerı kadrlardy birigip daıyndaıtyn oqý oryndardyń tizimine qosylǵan.

Сейчас читают