QR Ulttyq kitaphanasynda 1659 jyldan bergi frantsýz kitaptary bar - G. Balabekova

ALMATY. 6 qańtar. QazAqparat - 6 mıllıonnan astam kitap qory bar QR Ulttyq kitaphanasynyń sheteldik ádebıet qorynda álemniń 122 halqynyń tilindegi shyǵarmalardy tabýǵa bolady. Onyń ishinde frantsýz kitaptarynyń 8 myń danaǵa jýyq kollektsııasy bar.

Kitaphana dırektory Gúlısa Balabekovanyń aıtýynsha, frantsýz kitaptarynyń 1800-i sırek kitaptar men qoljazbalar qorynda saqtaýly. Onyń eń eskisi 1659 jylǵy «Olerarı Adam. Máskeý, Tatarııa jáne Persııa saıahaty esebiniń jalǵasy». Kollektsııada sondaı-aq, Volter, J.J.Rýsso, Moler, Gıýgo, Dıdro jáne taǵy basqa da belgili qalamgerlerdiń shyǵarmalary men entsıklopedııalar, tarıh, geografııa sekildi túrli bilim salalary boıynsha basylymdar bar.