QR Ulttyq kitaphanasy halyqaralyq kitaphana keńistigine belsendi yqpaldasýda
ALMATY. 14 naýryz. QazAqparat /Názıra Eleýhan/ - Intellektýaldyq menshik aqparattarymen bólisý, álemdegi barlyq resýrstaryna ený múmkindigin berý - uıymnyń negizgi maqsaty.
Bul týraly OSLS-diń (Onlaın kompıýterlik kitaphanalyq ortalyǵy) atqarýshy dırektory Reın van Charldorp búgin Almatydaǵy Ulttyq kitaphanada ótken aqparattyq semınarda aıtty.
OSLS- kommertsııalyq emes uıym. 1967 jyly AQSh-da quryldy.
Reın van Charldorptyń aıtýynsha, sońǵy 20 jylda kompanııa barlyq elge ashyq, jahandyq uıymǵa aınalǵan. «Osy jyldar aralyǵynda biz óz qyzmetimizben Ortalyq Eýropa, Afrıka, jaqyn Shyǵys elderin tanystyrdyq, endi Ortalyq Azııa elderine shyǵýdamyz. Ol degenimiz, endi Qazaqstan da álemdik resýrstarǵa ený múmkinidigin alady degen sóz»,-dedi ol.
QR Ulttyq kitaphana dırektorynyń birinshi orynbasary Gýlısa Balabekovanyń aıtýynsha, «Onlaın kompıýterlik kitaphanalyq ortalyǵynyń» ókilderi kitaphanalar men aqparattyq ortalyqtardyń mamandaryna óz qyzmetterimen, onyń ishindegi eń iri onlaın bıblıografııalyq resýrstarymen tanystyryp úlgergen. «Bizdiń kitaphanashylar úshin bul jańa servıs túrimen tanysýǵa úlken múmkindik»,-dep atap ótti ol. Onyń aıtýynsha, halyqaralyq kitaphana keńistigine yqpaldastyq - Ulttyq kitaphana damýyndaǵy basymdyqtardyń biri bolyp tabylady. «Búginde «Onlaın kompıýterlik kitaphanalyq ortalyǵymen» yntymaqtasý múmkindigi shyndyqqa aınaldy. Qazirdiń ózinen biz óz resýrstarymyzdy «Mark» halyqaralyq standarty boıynsha qalyptastyrýdamyz. Ol uıymmen yntymaqtasýǵa qyzyǵýshylyǵymyz zor»,-dedi G. Balabekova.
Semınarǵa elimizdegi kitaphanalar men aqparattyq ortalyqtardyń mamandary qatysty.
