QR Ulttyq qaýipsizdik komıtetiniń áskerı qyzmetshileri sybaılas jemqorlyq quqyqbuzýshylyqtary úshin jumystan bosatyldy
ASTANA. QazAqparat - Qazaqstan Respýblıkasy Ulttyq qaýipsizdik komıtetiniń áskerı qyzmetshileri sybaılas jemqorlyq quqyqbuzýshylyqtary úshin jumystan bosatyldy, dep habarlady Bas áskerı prokýratýrasynyń baspasóz qyzmetinen.
Bas áskerı prokýratýrasymen Qazaqstan Respýblıkasy Ulttyq qaýipsizdik komıtetiniń Shekara qyzmetiniń «Soltústik» Óńirlik basqarmasynyń qyzmetine júrgizilgen tekserý barysynda 2031 áskerı bóliminiń qarjy qyzmetimen 3,5 mln. teńgege jýyq somaǵa jetkizilmegen kıim-keshek múlkine jáne «Sársembaev J.B.» JK-nen 5 mln. teńgeden astam somaǵa satyp alynǵan tehnıkalyq sıpattamasy sáıkes kelmeıtin kıim-keshekke tólem jasalynǵandyǵy anyqtalǵan. «Soltústik» Óńirlik basqarmasy bastyǵynyń atyna engizilgen zańbuzýshylyqty joıý týraly usynysty qaraý nátıjesinde, 31 laýazymdy tulǵa tártiptik jaýapkershilikke tartylǵan, onyń ishinde «Soltústik» Óńirlik basqarmasynyń qoıma basshysy E.A.Aǵytaev «Sársembaev J.B.» JK-ne zańsyz artyqshylyq kórsetkendigi úshin jumystan bosatylǵan.
Sonymen qatar, Bas áskerı prokýratýranyń usynysy boıynsha Armenııa Respýblıkasynyń 12 azamaty memlekettik shekaradan ótkendigi týraly jalǵan aqparatty «Búrkit» aqparattyq júıesine engizgeni úshin «Soltústik» Óńirlik basqarmasynyń «Tobyl» shekara baqylaý bóliminiń baqylaýshysy R.T.Birjanov jumystan shyǵaryldy.
