QR Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý erejeleri

* * *

Qazaqstan Respýblıkasy Ulttyq qaýipsizdik komıtetiniń tóraǵasy buıryǵy

2013 jylǵy 12 sáýir, №182, Astana qalasy

Joǵary bilimniń kásibı oqý baǵdarlamalaryn qysqartylǵan merzimde iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalaryn bekitý týraly

«Qazaqstan Respýblıkasynyń arnaýly memlekettik organdary týraly» Qazaqstan Respýblıkasynyń 2012 jylǵy 13 aqpandaǵy Zańy 10-babynyń 2-tarmaǵyna sáıkes buıyramyn:

1. Usynylyp otyrǵan Joǵary bilimniń kásibı oqý baǵdarlamalaryn qysqartylǵan merzimde iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalary bekitilsin (budan ári - Qaǵıdalar).

2. Qazaqstan Respýblıkasy Ulttyq qaýipsizdik komıteti qurylymdyq bólimsheleriniń, vedomstvolarynyń, aýmaqtyq organdary men vedomstvolyq baǵynyshty uıymdardyń basshylary Joǵary bilimniń kásibı oqý baǵdarlamalaryn qysqartylǵan merzimde iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalarynyń múltiksiz oryndalýyn qamtamasyz etsin.

3. Qazaqstan Respýblıkasy Ulttyq qaýipsizdik komıtetiniń Kadrlar departamenti:

1) Qazaqstan Respýblıkasy Ádilet mınıstrliginde osy buıryqtyń memlekettik tirkelýin;

2) memlekettik tirkeýden keıin buqaralyq aqparat quraldarynda onyń resmı jarııalanýyn qamtamasyz etsin;

4. Osy buıryqpen Qazaqstan Respýblıkasy ulttyq qaýipsizdik organdarynyń qyzmetkerleri men áskerı qyzmetshileri tanystyrylsyn.

5. Osy buıryq 2014 jylǵy 1 qańtardan bastap qoldanysqa engiziletin Qaǵıdalar 2-tarmaǵynyń 3), 4) tarmaqshalaryn qospaǵanda alǵashqy resmı jarııalanǵannan keıingi kúntizbelik on kúnnen soń qoldanysqa engiziledi.

Komıtet Tóraǵasy N. ÁBІQAEV.

Qujattyń tolyq mátini