QR Ulttyq halyq sanaǵynyń nátıjeleri statıstıkalyq jınaq bolyp jaryqqa shyqty - QR Statıstıka agenttigi
ASTANA. 29 qarasha. QazAqparat /Jasulan Amanbaıuly/ - 2009 jylǵy QR Ulttyq halyq sanaǵynyń nátıjeleri statıstıkalyq jınaq bolyp jaryqqa shyqty.
Búgin bul jóninde QR Statıstıka agenttiginde halyq sanaǵynyń qorytyndylaryna arnalǵan brıfıngte Agenttik tóraǵasy Álıhan Smaıylov málim etti.
Onyń aıtýynsha, jınaqta sońǵy 50 jyldaǵy Qazaqstannyń turaqty halyq sanynyń ózgerýi týraly derekter kórinis taýyp otyr. Al jınaqtyń qazaq jáne orys tilindegi elektrondyq nusqasy QR Statıstıka agenttiginiń saıtynda ornalastyrylǵan.
«Jınaqta 1999 jáne 2009 jyldar arasyndaǵy kezeńdegi jekelegen ulttar boıynsha halyq sanynyń ózgeristeri týraly málimetter jarııalandy. Ana tili týraly jáne halyqtyń jeke tilderdi meńgerý deńgeıi jónindegi maǵlumattar jáne halyqtyń din ustanýy týraly derekter berilgen», dep atap kórsetti ol.
QR Statıstıka agenttigi jyl sońyna deıin, 2009 jylǵy QR Ulttyq halyq sanaǵynyń nátıjelerine arnalǵan jınaqtardyń barlyǵyn basyp shyǵýdy josparlaýda. Ol jınaqtar kóshi-qon, bilim berý, úı sharýashylyǵy, otbasy jáne neke, jumyspen qamtý, ómir súrýge qajetti kiris kózderi, jastar, qala jáne aýyldyń portreti, turmystyq jaǵdaı taqyryptary boıynsha usynylmaq.
