QR Ulttyq eksporttyq strategııany ázirleý josparlanýda
ASTANA. 31 shilde. QazAqparat - Qazaqstanda otandyq kásiporyndardyń básekege qabilettiligin kúsheıtý úshin Ulttyq eksporttyq strategııany ázirleý usynylýda, dep habarlady «Kaznex Invest» Eksport jáne ınvestıtsııa ulttyq agenttigi basqarma tóraǵasynyń orynbasary Meıirjan Maıkenov pm.kz saıtyna bergen suhbatynda.
«Qazaqstannyń Búkilálemdik saýda uıymyna (BSU) enýi qarsańynda biz ózimizdiń saýda saıasatymyzdy kúsheıtip jáne kásiporyndarymyzdyń básekege qabiletttiligin, olar syrtqy naryqta básekege túse alatyndaı deńgeıdegi damý baǵytynda qaıta qaraýymyz kerek. Biz qazir halyqaralyq tájirıbe úlgisimen Qazaqstannyń eksporttyq strategııasyn ázirleýdi usynýdamyz», - dedi M.Maıkenov.
«Kaznex Invest» tóraǵasynyń orynbasary atap aıtqandaı, atalǵan strategııa sheńberinde álemdik saýda úrdisteri saraptalyp, sondaı-aq otandyq taýar óndirýshilerge qajetti kómek jasaldy.
Sonymen qatar, Ulttyq eksporttyq strategııa qazaqstandyq taýarlardy jyljytýdyń naqty baǵyttaryn nusqaýy, eksportqa baǵyttalǵan kásiporyndarǵa memlekettik qoldaýdyń kólemi men jyljytý quraldaryn anyqtaýy qajet.
«Kaznex Invest» málimetterine qaraǵanda, 1500 qazaqstandyq kompanııa óz taýarlaryn eksportqa shyǵarýǵa qoldaý alǵan, olardyń ishinde 400-deı kompanııa «Eksporter-2020» baǵdarlamasy boıynsha jumys istep turǵan eksportshylar bop sanalady.
Búgingi kúni, servıstik qyzmet kórsetýdiń jartyjyldyq qorytyndysy boıynsha 80 mln AQSh dollaryna eksporttyq kelisim jasalǵan. Jalpy alǵanda, «Kaznex Invest» agenttiginiń ótken úsh jylǵy jumys qorytyndysy boıynsha 620 mln AQSh dollaryna eksporttyq kelisimder jasalǵan eken.
«Ulttyq eskporttyq strategııa qazaqstandyq eksportty alǵa jyljytýdyń keshendi júıesin qurýǵa múmkindik beredi. Strategııanyń negizgi maqsaty şıkizat emes eksporttyń úlesin artyryp, Qazaqstandaǵy eksportqa baǵyttalǵan kásiporyndardyń sanyn arttyrý», - dep aıaqtady sózin Meıirjar Maıkenov.
