QR Ulttyq ekonomıka vıtse-mınıstri Q. Óskenbaev qyzmetinen bosatyldy

ASTANA. QazAqparat - Búgin Aqordada Memleket basshysy Nursultan Nazarbaevtyń tóraǵalyǵymen ótken keńes barysynda Prezıdent QR Ulttyq ekonomıka vıtse-mınıstri Qaıyrbek Óskenbaevty qyzmetinen bosatýdy buıyrdy.

«Bul jumysqa (jer zańnamasyna) QR Ulttyq ekonomıka vıtse-mınıstri Qaıyrbek Óskenbaev jaýapty bolǵan. Ony jumystan bosatý kerek. Ol jumysyn tıisti deńgeıde atqara almaı, seniń (Erbolat Dosaev) jáne Úkimettiń senimin aqtamady», - dedi Elbasy.
Bul qyzmetke Qaıyrbek Aıtbaıuly QR Úkimetiniń 2014 jylǵy 13 tamyzdaǵy № 918 qaýlysymen taǵaıyndalǵan bolatyn.

Osynyń aldynda ol 2004 jyldan QR Indýstrııa jáne saýda mınıstrliginiń Saýda jáne týrıstik qyzmetti retteý jónindegi komıteti tóraǵasy, 2006 jylǵy mamyrdan QR Týrızm jáne sport mınıstrligi Týrızm ındýstrııasy komıtetiniń tóraǵasy qyzmetterin atqardy.

2007 jylǵy qyrkúıekten 2011 jylǵy mamyr aıy aralyǵynda QR Týrızm jáne sport mınıstrliginiń vıtse-mınıstri, 2013 jylǵy aqpan aıynan QR Óńirlik damý birinshi vıtse-mınıstri laýazymdarynda qyzmet etti.