QR Ulttyq bankiniń jalpy halyqaralyq rezervteri 4 paıyzǵa ósip, 29,5 mlrd. AQSh dollaryn qurady
ALMATY. QazAqparat - 2016 jylǵy sáýirde Ulttyq banktiń jalpy halyqaralyq rezervteri 4 paıyzǵa ósip, 29,5 mlrd. AQSh dollaryn qurady (jyl basynan beri 5,9 paıyzǵa ósken). Al taza halyqaralyq rezervteri 4,1 paıyzǵa ósip, 28,6 mlrd. AQSh dollaryna deıin ulǵaıdy. Jyl basynan bergi ósim 6,2 paıyzdy qurady. Bul týraly búgin QR Ulttyq bankiniń baspasóz qyzmetinen habarlady.
2016 jylǵy sáýirde taza valıýtalyq qorlar (EAV) 3,8%-ǵa (jyl basynan beri 1,3%-ǵa tómendedi), altyndaǵy aktıvter 4,8%-ǵa (jyl basynan beri 25,3%-ǵa ósken) ósti.
Іshki valıýta naryǵynda valıýta satyp alýmen, bankterdiń shetel valıýtasyndaǵy korrespondenttik shottaryndaǵy qaldyqtardyń ulǵaıýymen jáne Úkimettiń Ulttyq banktegi shottaryna valıýtanyń túsýimen qamtamasyz etilgen halyqaralyq rezervterdiń ósimi, banktermen aradaǵy valıýtalyq-paıyzdyq operatsııalar boıynsha josparly ótelimdermen, Ulttyq qordyń aktıvterin tolyqtyrý jáne Úkimettiń syrtqy boryshyna qyzmet kórsetý boıynsha operatsııalarmen ishinara beıtaraptandyryldy.
«2016 jylǵy sáýirde eldiń halyqaralyq rezervteri jedel derekter boıynsha jalpy alǵanda Ulttyq qordyń shetel valıýtasyndaǵy aktıvterin (65,4 mlrd. AQSh dollary) qosa alǵanda, 95,0 mlrd. AQSh dollaryna deıin, ıaǵnı 2,5%-ǵa (jyl basynan beri 3,9%-ǵa) ulǵaıdy», - delingen habarlamada.
