QR Ulttyq bankiniń qyzmetkerlerine ústinen muzdaı sýyq sý quıý usynysy jasaldy
ASTANA. QazAqparat - «Biryńǵaı jınaqtaýshy zeınetaqy qory» AQ (BJZQ) qyzmetkerleri QR Ulttyq bankindegi áriptesterine ústinen muzdaı sýyq sý quıý aktsııasyna qatysýǵa shaqyrdy.
Atalǵan qordyń qyzmetkerleri Ice Bucket Shelleng-tiń álemdiń qaıyrymdylyq aktsııasyna qatysýdyń bul estafetasyn Bank TsentrKredıt qyzmetkerlerinen alǵan. Baspasóz qyzmetiniń habarlaýynsha, jınalǵan qarjy Almaty qalasy Bostandyq aýdanyndaǵy Uly Otan soǵysy ardagerlerine kómek retinde baǵyttalmaq.
«Bul estafetany BJZQ qyzmetkerleri QR Ulttyq Bankine, saqtandyrý boıynsha «Nomad Life» kompanııasyna jáne Halyq bankiniń saqtandyrý baǵytyndaǵy enshiles kompanııasyna tapsyrdy», - delingen habarlamada.
Aıta keteıik, ALS Ice Bucket Challenge flesh-mobyn búıirlik amıotrofıktik sklerozben kúres jónindegi qaıyrymdylyq qory uıymdastyrǵan. Aktsııa maqsaty - mıdyń qozǵalý ortalyqtaryn zaqymdap, adamdy sal etetin atalmysh aýrýǵa qoǵam nazaryn aýdartý.
Osyǵan deıin flesh-mobqa ataqty fýtbolshylar Krıshtıaný Ronaldý, Neımar, Lıonel Messı, ánshi Djastın Tımberleık, akterler Vın Dızel, Benedıkt Kamberbetch, Toyota korporatsııasynyń basshysy Toıoda qatysqan.
