QR Ulttyq bankinde valıýta naryǵyndaǵy ahýaldy turaqtandyrý máseleleri talqylandy
ASTANA. QazAqparat - Aǵymdaǵy aptada QR Ulttyq Bankinde «Qazaqstan qarjygerleriniń qaýymdastyǵy» ZTB-nyń, iri ekinshi deńgeıdegi bankter ókilderiniń jáne «Atameken» UKP basshylyǵynyń qatysýymen Qazaqstan Respýblıkasynyń ekonomıkasyn kredıtteý máseleleri boıynsha jumys tobynyń birqatar kezdesýleri ótti.
Bul týraly Ulttyq banktiń baspasóz qyzmetinen habarlady.
Kezdesýler barysynda valıýta naryǵyndaǵy ahýaldy turaqtandyrý, ıpotekalyq qaryzdardy qaıta qarjylandyrý baǵdarlamasynyń sheńberinde qarajatty ıgerý, ózgermeli aıyrbastaý baǵamyna ótýge baılanysty baǵamdyq aıyrmany óteý sheńberinde sharalar qabyldaý máseleleri talqylandy.
Kezdesýlerdiń nátıjeleri boıynsha jumys toby tıisti usynystar jasaıtyn bolady.
