QR Ulttyq bankimen kúmándi jáne úmitsiz aktıvterge qoıylatyn talaptar bekitildi

«Qazaqstan Respýblıkasynyń keıbir zańnamalyq aktilerine bank qyzmetin jáne qarjy uıymdaryn táýekelderdi azaıtý turǵysynan retteý máseleleri boıynsha ózgerister men tolyqtyrýlar engizý týraly» 2011 jylǵy 28 jeltoqsandaǵy Qazaqstan Respýblıkasynyń Zańyna sáıkes Qazaqstan Respýblıkasy Ulttyq Bankiniń Basqarmasy qaýly etedi:

1.Mynalar:

1) osy qaýlynyń1-qosymshasyna sáıkesEkinshi deńgeıdegi bankterdiń kredıttik portfel­deriniń sapasyn jaqsartýǵa mamandandyrylǵan uıymnyń kúmándi jáne úmitsiz aktıvterdi baǵalaýdy jáne ıemdenýdi júzege asyrý qaǵıdalary;

2) osy qaýlynyń2-qosymshasyna sáıkes Iemdenetin (ıemdengen) kúmándi jáne úmitsiz aktıvterge qoıylatyn talaptar bekitilsin.

2. Ekinshi deńgeıdegi bankterdiń kredıttik portfelderiniń sapasyn jaqsartýǵa mamandan­dyrylǵan uıymnyń ekinshi deńgeıdegi bankterden kúmándi jáne úmitsiz aktıvterdi ıemdenýi 2013 jylǵy 31 jeltoqsanǵa deıin júzege asyrylady.

3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.                                                                                                                 
                                                                                                                        Ulttyq Bank Tóraǵasy G.MARChENKO.

Qazaqstan Respýblıkasynyń Ulttyq Banki Basqarmasynyń

2012 jylǵy 24 aqpandaǵy № 46 qaýlysyna 1-qosymsha

 Ekinshi deńgeıdegi bankterdiń kredıttik portfelderiniń sapasyn jaqsartýǵa mamandandyrylǵan uıymnyń kúmándi jáne úmitsiz aktıvterdi baǵalaýdy jáne ıemdenýdi júzege asyrý qaǵıdalary

Osy Ekinshi deńgeıdegi bankterdiń kredıttik portfelderiniń sapasyn jaqsartýǵa mamandandyrylǵan uıymnyń kúmándi jáne úmitsiz aktıvterdi baǵalaýdy jáne ıemdenýdi júzege asyrý qaǵıdalary (budan ári - Qaǵıdalar) «Qazaqstan Respýblıkasyndaǵy bankter jáne bank qyzmeti týraly» 1995 jylǵy 31 tamyzdaǵy Qazaqstan Respýblıkasynyń Zańyna (budan ári - Zań) sáıkes ázirlendi jáne ekinshi deńgeıdegibankterdiń kredıttik portfeliniń sapasyn jaqsartýǵa mamandandyrylǵan uıymnyń (budan ári - Uıym) Zańnyń 5-1-babynyń 2-tarmaǵynda kózdelgen qyzmet túrlerin júzege asyrý tártibin belgileıdi.

1. Osy Qaǵıdalardyń maqsatynda myna uǵymdar qoldanylady:

1) bank - ekinshi deńgeıdegi bank;

2) kúmándi jáne úmitsiz aktıvter - «Aktıvterdi, shartty mindettemelerdi jikteý jáne olarǵa qarsy provızııalar (rezervter) qurý erejesin bekitý týraly» Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2006 jylǵy 25 jeltoqsandaǵy № 296 qaýlysyna (Normatıvtik quqyqtyq aktilerdi memlekettik tirkeý tiziliminde № 4580 bolyp tirkelgen) (budan ári - №296 Ereje) sáıkes «kúmándi 5-sanatty» nemese «úmitsizder» dep jiktelgen qaryzdar (biryńǵaı sıpattary bar qaryzdar toby).

2. Uıym ıemdenetin kúmándi jáne úmitsiz aktıvterdiń quny myna tásilderdiń birimen anyqtalady:

1) ádil quny boıynsha;

2) osy aktıv boıynsha qalyptastyrylǵan provızııalardy eskerip, kúmándi jáne úmitsiz aktıvtiń balanstyq quny boıynsha;

3) osy aktıv boıynsha qalyptastyrylǵan provızııalardy eskermeı, kúmándi jáne úmitsiz aktıvtiń balanstyq quny boıynsha.

Uıym ıemdenetin kúmándi jáne úmitsiz aktıvtiń qunyn anyqtaý tásilin tańdaýdy osy aktıvti ıemdenýge beretin bankpen kelisý boıynsha júzege asyrady.

3. Kúmándi jáne úmitsiz aktıvterdi ádil quny boıynsha ıemdengen kezde aktıvtiń ádil qunyn qaryzdy bergen bank Uıymmen kelisýi boıynsha tartqan táýelsiz baǵalaýshy aıqyndaıdy.

4. Osy aktıvter boıynsha qalyptastyrylǵan provızııalardy eskerip, kúmándi jáne úmitsiz aktıvterdi balanstyq quny boıynsha ıemdengen kezde olardyń quny Halyqaralyq qarjylyq eseptilik standarttarynyń jáne №296 Erejeniń talaptaryna sáıkes osy aktıvter boıynsha qalyptastyrylǵan provızııalardyń eń joǵarǵy shamasyn shegergende, negizgi boryshtyń, eseptelgen syıaqy men turaqsyzdyq aıybynyń (aıyppuldyń, ósimpuldyń) jıyntyq quny retinde aıqyndalady.

5. Osy aktıvter boıynsha qalyptastyrylǵan provızııalardy eskermeı kúmándi jáne úmitsiz aktıvterdi balanstyq quny boıynsha ıemdengen kezde olardyń quny negizgi boryshtyń, eseptelgen syıaqy men turaqsyzdyq aıybynyń (aıyppuldyń, ósimpuldyń) jıyntyq quny retinde aıqyndalady.

6. Osy aktıvter boıynsha qalyptastyrylǵan provızııalardy eskerip, kúmándi jáne úmitsiz aktıvterdi olardyń ádil quny ne balanstyq quny boıynsha ıemdengen kezde, Uıym ıemdengen kúmándi jáne úmitsiz aktıvterdiń qunyn qalpyna keltirýden túsken kiristi alady ne ıemdengen kúmándi jáne úmitsiz aktıvterdiń quny túsýinen kelgen tolyq kólemdegi shyǵyndy kóteredi.

Osy aktıvter boıynsha qalyptastyrylǵan provızııalardy eskermeı, kúmándi jáne úmitsiz aktıvterdi balanstyq quny boıynsha ıemdengen kezde, ıemdengen kúmándi jáne úmitsiz aktıvterdiń qunyn qalpyna keltirýden túsken kiris ne kúmándi jáne úmitsiz aktıvterdiń quny túsýinen kelgen shyǵyn uıymnyń kúmándi jáne úmitsiz aktıvterin bergen bank pen Uıym arasynda Uıym osy bankpen kelisýi boıynsha aıqyndaıtyn araqatynasta bólinedi

7. Uıym bankterden ıemdengen kúmándi jáne úmitsiz aktıvterdi basqarýdy myna tásilderdiń birimen:

1) Uıymmen derbes;

2) kúmándi jáne úmitsiz aktıvterin Uıym ıemdengen banktermen derbes ne Uıymmen birlesip;

3) basqa da uıymdarmen, kásibı sarapshylarmen jáne halyqaralyq aýdıtorlarmen jáne aýdıtorlyq uıymdarmen júzege asyrady.

8. Qaryz alýshynyń tólem qabiletsizdigimen nemese qaryz alýshynyń qaryz boıynsha mindettemelerin oryndamaýymen baılanysty sotta olarǵa qatysty talqylaý júrgizilip jatqan ne sot sheshimderi qabyldanǵan kúmándi jáne úmitsiz aktıvterdi basqarýdy Uıym osy aktıvterdi ıemdenýge bergen bankpen birlesip júzege asyrady.

9. Basqarý tásilin tańdaýdy Uıym bankpen kelisý boıynsha júzege asyrady.

10. Uıym óziniń qyzmeti týraly eseptilikti esepti aıdan keıingi aıdyń 15 kúninen keshiktirmeı toqsan saıyn Qazaqstan Respýblıkasynyń Ulttyq Bankine usynady.

Qazaqstan Respýblıkasynyń Ulttyq Banki Basqarmasynyń

2012 jylǵy 24 aqpandaǵy №46 qaýlysyna 2-qosymsha

Iemdenetin (ıemdengen) kúmándi jáne úmitsiz aktıvterge qoıylatyn talaptar

Osy Iemdenetin (ıemdengen) kúmándi jáne úmitsiz aktıvterge qoıylatyn talaptar (budan ári - Talaptar) «Qazaqstan Respýblıkasyndaǵy bankter jáne bank qyzmeti týraly» 1995 jylǵy 31 tamyzdaǵy Qazaqstan Respýblıkasynyń Zańyna (budan ári - Zań) sáıkes ázirlendi jáne ekinshi deńgeıdegibankterdiń kredıttik portfeliniń sapasyn jaqsartýǵa mamandandyrylǵan uıymnyń (budan ári - Uıym) ıemdenetin (ıemdengen) kúmándi jáne úmitsiz aktıvterge qoıylatyn talaptardy belgileıdi.

1. Osy Qaǵıdalardyń maqsatynda myna uǵymdar qoldanylady:

1) bank - ekinshi deńgeıdegi bank;

2) jyljymaıtyn múlik - salynyp jatqan nemese paıdalanyp jatqan kommertsııalyq jáne turǵyn úı jyljymaıtyn múligi, jer ýchaskeleri;

3) kúmándi jáne úmitsiz aktıvter - «Aktıvterdi, shartty mindettemelerdi jikteý jáne olarǵa qarsy provızııalar (rezervter) qurý erejesin bekitý týraly» Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2006 jylǵy 25 jeltoqsandaǵy № 296 qaýlysyna (Normatıvtik-quqyqtyq aktilerdi memlekettik tirkeý tiziliminde № 4580 bolyp tirkelgen) sáıkes «kúmándi 5-sanatty» jáne «úmitsizder» dep jiktelgen qaryzdar (biryńǵaı sıpattary bar qaryzdar toby);

4) Qazaqstan Respýblıkasynyń táýelsiz reıtıngi - Qazaqstan Respýblıkasyna Standard & Poor's, Fitch Ratings, Moody's Investors halyqaralyq reıtıngilik agenttikter bergen reıtıngter;

5) shart - Uıymnyń kúmándi jáne úmitsiz aktıvterdi ıemdenýin kózdeıtin Uıym men bank arasynda jasalatyn shart.

2. Uıym kúmándi jáne úmitsiz qaryzdar boıynsha talap etý quqyǵyn osyndaı qaryzdar bir ýaqytta myna krıterıılerge sáıkes kelgende ıemdenedi:

1) 2012 jylǵy 1 qańtardaǵy jaǵdaı boıynsha kúmándi jáne úmitsiz retinde jiktelgen qaryzdar;

2) qaryzdar boıynsha qaryz alýshylar bolyp zańdy tulǵalar (Qazaqstan Respýblıkasynyń rezıdentteri) tabylady;

3) Osy Talaptardyń 3-tarmaǵynda kórsetilgen kepil túrlerin qospaǵanda, kepilmen qamtamasyz etilgen, onyń ishinde Qazaqstan Respýblıkasynyń rezıdentteri emıtentter shyǵarǵan jáne «Qazaqstan qor bırjasy» aktsıonerlik qoǵamynyń resmı tizimine engizilgen, sondaı-aq Qazaqstan Respýblıkasynyń táýelsiz reıtıngine sáıkes keletin nemese odan asatyn kredıttik reıtıngi bar Qazaqstan Respýblıkasynyń rezıdentteri emes emıtentter shyǵarǵan baǵaly qaǵazdarmen qamtamasyz etilgen qaryzdar;

4) shartty jasasý kúnindegi negizgi borysh somasyn, eseptelgen syıaqyny, turaqsyzdyq aıybyn (aıyppuldy, ósimpuldy) qosa alǵanda, bereshektiń qaldyǵy 60 (alpys) jáne mıllıonnan astam teńgeni nemese shetel valıýtasynda balama somany quraıdy.

3. Uıym bankterden qaryzdar boıynsha talap etý quqyǵyn myna jaǵdaılardy qospaǵanda, ıemdenedi:

1) qaryz tutynýshylyq bolyp tabylady;

2) qaryz turǵyn úı, turǵyn úı kesheniniń qurylysyna berilgen;

3) qaryz boıynsha kepildiń jalǵyz túri mynalar bolady:

óndiris kesheniniń ajyramas bóligi bolyp tabylatyn jyljymaıtyn múlikti qospaǵanda, jyljymaıtyn múlik;

uıymdastyrýshylyq tehnıka;

jıhaz zattary;

arnaıy tehnıka;

jer qoınaýyn paıdalaný quqyǵy;

avtorlyq quqyqtar;

lıtsenzııalar;

patentter;

talap etý quqyqtary;

Qazaqstan Respýblıkasynyń táýelsiz reıtınginen tómen kredıttik reıtıngi bar zańdy tulǵalar (Qazaqstan Respýblıkasynyń rezıdentteri) bergen kepilder men kepildemeler.

Uıym kepil quny qamtamasyz etýdiń jıyntyq kepil qunynyń 30 (otyz) paıyzynan aspaıtyn, ishinara jyljymaıtyn múlikpen qamtamasyz etilgen qaryzdar boıynsha talap etý quqyǵyn ıemdenedi.

Uıym óndiris kesheniniń ajyramas bóligi bolyp tabylatyn jyljymaıtyn múlikpen ishinara qamtamasyz etilgen qaryzdar boıynsha talap etý quqyǵyn ıemdenedi.