QR Ulttyq banki jekelegen elderdiń valıýtalaryna sholý jarııalady
«Saýda-sattyq qorytyndysy boıynsha 24 jeltoqsanda teńgeniń naryqtyq baǵamy bir apta ishinde 0,7 paıyzǵa (435,54 teńgeden) nyǵaıyp, bir AQSh dollary úshin 432,28 teńge deńgeıinde qalyptasty. Damýshy naryqtar valıýtalarynyń serpini oń boldy. Jahandyq ınvestorlardyń táýekel-sentımentiniń jaqsarýy álemdik ekonomıkaǵa Covid-19 jańa shtamynyń taralý zardaptarynyń az bolýyna qatysty kútýlerge baılanysty: aldyn-ala zertteýlerdiń qorytyndysy boıynsha, «delta» shtamyna qaraǵanda «omıkron» shtamy kezinde aýrýhanaǵa jatqyzý yqtımaldyǵy tómen», - dep atap ótedi Ulttyq bankten.
Ulttyq bank málimetinshe, damýshy elder valıýtalarynyń AQSh dollaryna qatysty baǵamdarynyń serpini tómendegideı qalyptasty:
- túrik lırasy Túrkııa Úkimetiniń ulttyq valıýtany qoldaý sharalary týraly, onyń ishinde aıyrbas baǵamynyń álsireýi bankterdiń paıyzdyq mólsherlemelerin arttyrǵan jaǵdaıda, depozıtterin lıramen ustaýshylardyń shyǵyndaryn óteý baǵdarlamasy týraly habarlaýy aıasynda 35,2%-ǵa (16,41-den 10,64-ke deıin);
- Ońtústik Afrıka randy AQSh-tyń 31 jeltoqsannan bastap OAR-men áýe qatynasyn toqtata turýdyń kúshin joıý týraly habarlamalary aıasynda 2,1%-ǵa (15,88-den 15,55-ke deıin);
- úndi rýpııasy eksporttaýshylardyń ulttyq valıýtanyń odan ári nyǵaıýynan qaýiptenip, shetel valıýtasyn satýy aıasynda 1,4%-ǵa (76,09-dan 75,02-ge deıin);
- Indonezııa rýpııasy koronavırýstyń jańa shtamyna qatysty qaýiptenýdiń azaıýy aıasynda 1,1%- ǵa (14 355-ten 14 197-ge deıin);
- Meksıka pesosy mólsherlemeniń 5,5%-ǵa deıin 50 b.p. artýyna baılanysty kerrı-treıd operatsııalarynyń tartymdylyǵyn arttyrý aıasynda 1%-ǵa (20,83-ten 20,62-ge deıin);
-Reseı rýbli salyq kezeńi men munaı baǵasynyń ósýi aıasynda 0,6%-ǵa (74,1-den 73,62-ge deıin);
- Brazılııa realy Ortalyq banktiń spot naryǵynda 500 mln AQSh dollaryn satý boıynsha aýktsıon ótkizýi aıasynda 0,4%-ǵa (5,69-dan 5,67-ge deıin) nyǵaıdy.
