QR Ulttyq banki jeke tulǵalardyń depozıtteri boıynsha syıaqynyń eń joǵarǵy mólsherlemesin burynǵy deńgeıde saqtaıdy
ALMATY. QazAqparat - Qazaqstanda bazalyq mólsherlemeniń 15 paıyzdan 13 paıyzǵa deıin tómendegenine qaramastan, jeke tulǵalardyń jańadan ashylǵan depozıtteri boıynsha «Qazaqstannyń depozıtterge kepildik berý qory» AQ (QDKQ) usynǵan syıaqynyń eń joǵarǵy mólsherlemeleriniń mólsherleri aǵymdaǵy deńgeıde saqtalyp qaldy.
ıAǵnı, ulttyq valıýtadaǵy depozıtter boıynsha mólsherlemeniń kólemi - 14 paıyz, al shetel valıýtasyndaǵy depozıtter boıynsha - 2 paıyz. Bul týraly búgin QR UB Tóraǵasynyń orynbasary Ǵalymjan Pirmatov habarlady.
Ol bazalyq paıyzdyq mólsherleme deńgeıin tómendetý týraly sheshimniń 2016 jylǵy 11 shildede aıtylǵanyn eskertip, bul sharanyń ekonomıkaǵa salynatyn aqsha qunynyń tómendeýi úshin alǵysharttar jasaıtyndyǵyn aıtty.
Sonymen qatar, onyń aıtýynsha, 2016 jylǵy 1 aqpannan bastap, jeke tulǵalardyń teńgelik depozıtteri boıynsha syıaqynyń eń joǵarǵy mólsherlemesin, bir mezette jeke tulǵalardyń shetel valıýtasyndaǵy depozıtteri boıynsha syıaqynyń eń joǵarǵy mólsherlemesin tómendete otyryp kóterý týraly sheshim, ósip jatqan ınflıatsııa jaǵdaıynda halyqtyń ulttyq valıýtadaǵy salymdarynyń tartymdylyǵyn arttyrý jáne saqtalýyn qamtamasyz etý úshin qabyldanǵan.
«Qabyldanǵan shara halyq salymdarynyń valıýtalyq qurylymyna jaǵymdy áser etti», - dedi Ǵ.Pirmatov.
Máselen, QR UB derekteri boıynsha, halyqtyń ulttyq valıýtadaǵy salymdarynyń kólemi 2016 jylǵy aqpan-maýsymda - 61,8 paıyzǵa ulǵaıyp, 2 285 mlrd. teńgeni qurady. Al, shetel valıýtasyndaǵy salymdardyń kólemi osy kezeńde 16,7 paıyzǵa, ıaǵnı 4 811 mlrd. teńgege deıin tómendedi. Halyqtyń shetel valıýtasyndaǵy salymdarynyń úlesi 2016 jylǵy qańtardaǵy 80,4 paıyz bolǵan eń joǵarǵy mánnen 2016 jylǵy maýsymda 67,8 paıyzǵa deıin tómendedi.
«Teńgelik depozıtter boıynsha usynylǵan mólsherleme ol engizilgen 2015 jylǵy qyrkúıekten bastap, alǵash ret bazalyq mólsherlemeden asyp ketti jáne qazirgi ýaqytta Ulttyq banktiń ótimdilik berý jónindegi operatsııalary boıynsha mólsherlememen sáıkes keledi», - dep qosty Ǵ.Pirmatov.
Ol sondaı-aq, ekonomıkadaǵy aqsha qunynyń tómendeýiniń aǵymdaǵy jaǵdaılarynda mólsherlemeniń usynylǵan deńgeıin Ulttyq bank tartylatyn depozıtter boıynsha mólsherlemeniń joǵarǵy shegi retinde qarastyratynyn túsindirdi.
«Ulttyq bank banktik qyzmetter naryǵyndaǵy joǵary básekelestik jaǵdaıynda depozıtter boıynsha baǵa belgileý kóbine naryqtyq jaǵdaılarda jáne banktiń bıznes-strategııasy, onyń qarjylyq ornyqtylyǵyn qamtamasyz etý qajettiligi, sondaı-aq ekonomıkanyń naqty sektorynyń aqylǵa qonymdy qunmen kredıttik resýrstarǵa degen qajettiligin qanaǵattandyrýy eskerile otyryp qalyptasady dep kútedi. Ulttyq banktiń aqsha naryǵynda júrgizip otyrǵan paıyz saıasatyna jáne bazalyq mólsherlemeniń deńgeıine qaramastan, jeke tulǵalardyń depozıtteri boıynsha syıaqynyń eń joǵarǵy mólsherlemesiniń deńgeıin ózgertý bolashaqta da boljanyp otyrǵan joq», - dep qorytyndylady Ǵ.Pirmatov.
