QR Ulttyq Banki jas mamandarmen jáne stýdenttermen jumys isteýge úlken mán beredi - Danııar Aqyshev
ASTANA. QazAqparat - QR Ulttyq Bankiniń Tóraǵasy Danııar Aqyshev elimizdiń basty qarjy ınstıtýtynda óz kúshin synap kórý múmkindigin paıdalanǵan, talantty, jas, perspektıvti mamandar men JOO túlekterin izdestirý jónindegi naýqan barysynda jarııalanǵan onlaın-konferentsııa sheńberinde QRUB-ǵa jumysqa qabyldanǵan mamandarmen kezdesti, dep habarlaıdy UB baspasóz qyzmeti.
D. Aqyshev bul naýqanǵa kóptegen úmitkerlerdiń ótinish bildirgenin jáne olardan 960 rezıýme qabyldanǵanyn, onyń 27-si jumysqa qabyldaýǵa bekitilgenin eske túsirdi. Sonymen birge ol onlaın-konferentsııa barysynda kóptegen suraq qoıǵan Qazaqstan JOO stýdentteriniń belsendiligin atap ótti. «Bul kezdesýge onlaın-konferentsııanyń eń qyzyqty suraq konkýrsynyń jeńimpazy - elimizdiń JOO-larynyń biriniń stýdenti Dılnara Tokýshevany jáne Ulttyq Bankte bir kúnin ótkizýge ótinish bildirgen, bolashaq jýrnalıst Natalıa Novoselovany da shaqyrdyq», - dedi ol.
D. Aqyshev kezdesýge qatysýshylarmen amandasyp, Ulttyq Banktiń jas mamandarmen jáne stýdenttermen jumys isteýge erekshe kóńil bóletinin atap ótti.
«Ulttyq Banktiń strategııalyq mindetterine tıimdi qol jetkizýdi qamtamasyz ete alatyn kadr áleýetin qalyptastyrý, onyń ishinde jas mamandarmen tyǵyz is-qımyl jasaý Ulttyq Bank qyzmetindegi mańyzdy baǵyt bolyp tabylady jáne aldaǵy jumysymyzdaǵy basty baǵyttardyń biri bolyp qala beredi. Sizder - jas, talantty, órshil, jigerli jastar - Ulttyq Banktiń, elimizdiń bolashaǵysyzdar, - dedi ol.
Ulttyq Banktiń jas mamandaryna nazar aýdara otyryp, D. Aqyshev «QRUB-da jumys isteý elimizdiń qarjy júıesiniń gúldenýi úshin óz bilimi men daǵdysyn paıdalanýǵa, qyzmetkerlerimizdiń dástúrine, korporatıvtik mádenıetine kirigýge, ujymymyzdyń ajyramas bóligi bolýǵa biregeı múmkindik beretindigin» atap ótti.
Ulttyq Bank basshysy jas mamandardyń suraqtaryna da jaýap berip, D. Tokýshevaǵa eskertkish syılyq berdi, N. Novoselovany Ulttyq Bank basshylyǵynyń jumys kezdesýlerine qatysýǵa shaqyrdy. N. Novoselova QR Ulttyq Bankiniń negizgi bólimsheleri Monetarlyq operatsııalar departamentiniń, Zertteýler jáne statıstıka departamentiniń, Tólem balansy jáne valıýtalyq retteý departamentiniń, Qolma-qol aqshamen jumys júrgizý basqarmasynyń, sondaı-aq QRUB Qazaqstan bankaralyq esep aıyrysý ortalyǵynyń jumysymen de tanysty.
Jańa qyzmetkerlerdi izdestirý boıynsha kelesi naýqandy ótkizý sáýir aıynda josparlanǵanyn eske túsiremiz, onyń bastalǵany týraly aqparat Ulttyq Banktiń saıtynda, sondaı-aq QRUB-nyń áleýmettik jelilerdegi resmı akkaýnttarynda jarııalanady.
