QR Ulttyq banki jańa banknotanyń ınflıatsııa deńgeıine teris áser tıgizýin joqqa shyǵardy
Ulttyq Bank halyqaralyq tájirıbege súıenedi. Oǵan sáıkes, eldegi eń joǵary banknota nomınaly eldegi ortasha aılyq jalaqynyń (qazirgi ýaqytta 120 myń teńgeden astam) jartysyn quraýy múmkin.
Sondyqtan jańa nomınaldaǵy banknotany shyǵarý eldegi aqsha aınalymyn jetildirýdiń qarapaıym úderisi bolyp qarastyrylady, dep habarlady Ulttyq banktiń baspasóz qyzmetinen. Jańa nomınaldyń ınflıatsııa deńgeıine keri áser etý múmkindigine qatysty qaýipter negizsiz. Jańa nomınaldy engizgende aınalymda aqshanyń kóbeıýi oryn almaıdy. Joǵary nomınaldy banknotanyń shyǵýymen, tómengi nomınaldardy (máselen, 5 nemese 10 myń teńge) shyǵarý kólemi azaıady. Ulttyq Bank aqsha aınalymyndaǵy túrli nomınaldaǵy banknotalardyń ara qatynasynyń teńgerilimin qamtamasyz etedi. Jańa nomınaldyń shyǵýy jınaǵandaryn qolma-qol aqsha túrinde saqtaıtyn turǵyndar úshin de qolaıly. Mundaı jaǵdaıda ulttyq ne sheteldik valıýtada basymdyq joǵary nomınaldarǵa beriledi.