QR Ulttyq banki zeınetaqy aktıvterin ınvestıtsııalaı bastady

ALMATY. QazAqparat - QR Ulttyq banki zeınetaqy aktıvterin ınvestıtsııalaı bastady. Bul jumys Memleket basshysy Nursultan Nazarbaevtyń tapsyrmasy aıasynda júzege asyrylyp jatyr.

Salymshylardyń qarjysy 2016 jyldyń sońyna deıin ınvestıtsııalanatyn bolady.

Baspasóz qyzmetiniń habarlaýynsha, Ulttyq bank BJZQ zeınetaqy aktıvterin naryqtyq jaǵdaıǵa qaraı ınvestıtsııalaý baǵytynda birqatar is-sharalar qabyldaǵan.

«Onyń ishinde BJZQ zeınetaqy aktıvteriniń esebinen satylyp alýǵa bolatyn qarjylyq quraldar tizimi jasaldy. Ony QR Ulttyq qordy basqarý keńesi maquldap, QR Úkimeti bekitti. Osyǵan oraı BJZQ ınvestıtsııalyq deklaratsııasy qabyldandy. Sondaı-aq, Ulttyq bankiniń dırektorlar keńesi kvazımemlekettik sektor men ekinshi deńgeıli bankterdiń qarjylyq quraldaryna syıaqy mólsherlemesin bekitti», - delingen habarlamada.