QR Ulttyq banki teńgeniń nyǵaıý trendin málimdedi
ALMATY. QazAqparat - Teńge baǵamyn qarjy naryǵynyń oıynshylary qarjy retteýshiniń qatysýynsyz qalyptastyrady, dep habarlaıdy «QazAqparat» HAA tilshisi.
«Búginde teńge baǵam aıtarlyqtaı jyldam ózgerýde. Ol kenet ózgeristerdi basynan ótkerdi. Teńgemiz tez quldyrap, nyǵaıa almaı jatqandaı kórinýi múmkin. Munaı baǵasy ósse de, AQSh dollary arzandamaı turǵandaı kórinedi. Alaıda biz birneshe aıdan beri ınterventsııa júrgizgen joqpyz. Múldem qatysymyz bolǵan joq», - dedi QR Ulttyq banki Zertetý jáne statıstıka departamentiniń dırektory Vıtalıı Týtýshkın.
Onyń pikirinshe, qarjy naryǵyndaǵy oıynshylardyń qyzmeti ulttyq valıýtanyń nyǵaıýyna múmkindik bermeı tur.
«Nege reseılik 1 rýbldi 5 teńgege turaqtandyra almaımyz deıtinder tabylady. Qaıtalap aıtamyn, bul Ulttyq banktiń saıasaty emes. Bul qarjy naryǵyndaǵy oıynshylarynyń is-áreketi (....). Barlyq faktorlar teńgeniń bolashaqta nyǵaıatynyn kórsetip tur, teńgeniń quldyraýyna esh negiz joq», - dedi bankır.
