QR Ulttyq banki teńgeniń erkin ózgermeli aıyrbastaý baǵamy saıasatyn jalǵastyrady - D. Aqyshev
ALMATY. QazAqparat - QR Ulttyq banki teńgeniń erkin ózgermeli aıyrbastaý baǵamy saıasatyn jalǵastyrady. Bul týraly búgin Almatyda ótken baspasóz máslıhatynda QR Ulttyq bankiniń tóraǵasy Danııar Aqyshev málim etti.
Onyń aıtýynsha, Ulttyq banktiń aıyrbas baǵamy boıynsha qandaı da bir baǵdary joq jáne onyń áseri boıynsha kez kelgen merzimge boljam jasamaıdy.
«Árıne, erkin ózgermeli aıyrbastaý baǵamy jaǵdaıynda syrtqy jaǵdaılarǵa, mysaly munaı baǵasy men Reseı rýbli baǵamynyń ózgerýine baılanysty teńgeniń de baǵamy joǵary-tómen qubylýy múmkin. Bul jerde teńge baǵamyna ishki faktorlar da áser etedi. Alaıda, syrtqy turaqsyzdyq jaǵdaıynda mundaı saıasat ózin aqtaıdy dep oılaımyn. ıAǵnı, ol teńge baǵamynyń bir mezette kúrt ózgerip ketýine jol bermeıdi. Osylaısha, qazirgi jaǵdaıda Ulttyq banktiń tikeleı qatysýynsyz-aq valıýta naryǵynda tepe-teńdik qalyptasyp jatyr. Bul jaǵdaıda QR Ulttyq banki teńgeniń erkin ózgermeli aıyrbastaý baǵamy saıasatyn odan ári jalǵastyratyn bolady. Aıyrbas baǵamy boıynsha bizde qandaı da bir naqty baǵdar joq jáne «osy kezeńde teńge baǵamy osylaı bolady» dep naqty boljam jasamaımyz. QR Ulttyq banki teńge baǵamy kúrt aýytqyp ketken jaǵdaıda ǵana valıýta naryǵyna aralasady. Óıtkeni, ol eldiń qarjylyq turaqtylyǵyna keri áser etýi múmkin. Al biz buǵan jol bere almaımyz. Eldiń qarjylyq turaqtylyǵy biz úshin óte mańyzdy», - dedi D. Aqyshev.
Aıta ketelik, QR Ulttyq banki valıýta naryǵynda 2015 jyldyń jeltoqsan aıynda 851 mln. AQSh dollaryn satqan. Onda, jalpy saýda kólemi boıynsha Ulttyq banktiń jasaǵan operatsııalarynyń úles salmaǵy bar bolǵany - 18 paıyzdy quraǵan. Bul 2015 jyldyń tamyz aıyna bergi eń tómengi kórsetkish. ıAǵnı, jeltoqsan aıynda QR Ulttyq banki valıýta naryǵynyń negizgi qatysýshysy bolǵan joq. Sáıkesinshe, teńge baǵamynyń qalyptasýyna yqpal etpegen. Tek jekelegen kúnderi ǵana oryn ala bastaǵan kúrt aýytqýshylyqtardy joıyp otyrǵan. Al valıýta basqynshylyǵyna keler bolsaq, 2015 jyldyń qarasha-jeltoqsan aılarynda QR Ulttyq banki valıýta naryǵynda 274 mln. AQSh dollaryn satty. Bul eki aı ishindegi jalpy saýda kóleminiń 3-aq paıyzyn quraıdy. Osy eki aı ishinde Qazaqstan qor bırjasynda jasalǵan saýda kólemi 7,8 mlrd. AQSh dollaryn qurady.
Al jalpy, 2015 jyly QR Ulttyq banki valıýta naryǵynda barlyǵy 17,7 mlrd. AQSh dollaryn satqan.
