QR Ulttyq banki teńgeniń erkin baǵamy saıasatyn jalǵastyratyn bolady
ASTANA. QazAqparat - QR UB júrgizýin jalǵastyratyn teńgeniń erkin ózgermeli aıyrbastaý baǵamy saıasaty belgilengen baǵam kezinde bolýy múmkin teńgerimsizdiktiń jınaqtalýynyń ýaqtyly aldyn alýǵa múmkindik beredi.
Ol sol sııaqty otandyq óndirýshilerdiń básekege qabilettiligin qoldaýdy qamtamasyz etedi. Bul jaıly búgin QR Ulttyq bankiniń Tóraǵasy D.Aqyshev Óskemende «Altaı Invest-2016» Halyqaralyq ınvestıtsııalyq forýmynda sóılegen sózinde habarlady.
Ol teńgeniń erkin baǵamynyń saıasaty eldiń altyn-valıýta rezervterin saqtaýǵa ǵana emes, olardy qalpyna keltirý protsesin bastaýǵa da múmkindik berdi dep atap ótti. «Ulttyq Banktiń altyn-valıýta rezervteri qyrkúıektiń sońynda 31,4 mlrd. dollar boldy. Jyl basynan beri ol 3,5 mlrd. dollarǵa ósti. Ulttyq qordyń valıýtalyq aktıvteri 64,4 mlrd. dollardy quraıdy. El rezervteriniń jalpy somasy 95,8 mlrd. dollarǵa jetti», - dedi
D. Aqyshev.
