QR Ulttyq banki salmaǵy eki keli altyn tıyn shyǵarady
ALMATY. 21 tamyz. QazAqparat - Teńgeniń 20 jyldyǵyna oraı tórt túrli tıyn shyǵarylymǵa daıyndalyp jatyr, dep búgin Almatyda jańa tıyndardy tanystyrý kezinde QR Ulttyq banki tóraǵasynyń orynbasary Bısenǵalı Tájııaqov habarlady.
Bul tıyndardyń nomınaldyq quny 50, 500, 5000 jáne 10 000 teńge. Olar tamyzdyń 22-nen bastap aınalymǵa shyǵarylady. Endi bul tıyndardy Qazaqstannyń árbir azamaty satyp ala alady.
B. Tájııaqov, sonymen qatar, nomınaldyq quny 100 000 teńge bolatyn altyn tıyn shyǵarylatynyn habarlady. Tıyn 999 synamaly altynnan quıylǵan, salmaǵy - 20 000 gramm, dıametri - 100 mm, daıyndaý sapasy «proof», tırajy - 60 dana, qyry kedir-budyr.
Eske sala ketsek, 2013 jyldyń 15 qarashasynda ulttyq valıýta - teńgeniń aınalymǵa engizilgenine 20 jyl tolady.
