QR Ulttyq banki «Qazaq handyǵyna 550 jyl» mereıtoılyq monetalaryn aınalysqa shyǵardy
Qazaqstan Respýblıkasynyń Ulttyq banki 2015 jylǵy 30 maýsymnan bastap «Este qalatyn oqıǵalar men adamdar» monetalar serııasynan «proof» sapaly kúmisten nomınaldyq quny 500 teńgelik jáne neızılber qospasynan nomınaldyq quny 50 teńgelik «Qazaq handyǵyna 550 jyl» mereıtoılyq monetalaryn aınalysqa shyǵarady.
Bul mereıtoılyq monetalar Qazaqstan Respýblıkasy Úkimetiniń 2014 jylǵy 31 jeltoqsandaǵy №1448 qaýlysymen bekitilgen 2015 jyly Qazaq handyǵynyń 550 jyldyq mereıtoıyn daıyndaý jáne ótkizý jónindegi is-sharalar josparyna sáıkes daıyndaldy. «Rroof» sapaly kúmisten jasalǵan monetalar monetanyń betine altyn jalatý tehnologııasy paıdalanyla otyryp daıyndaldy. Kúmisten daıyndalǵan monetanyń sıpattamasy Kúmis monetanyń bet jaǵynda (aversinde) joǵary bóliginde bes ret buralyp órnektelgen segiz buryshty rozetkanyń jáne memlekettik tildegi «Qazaqstan Ulttyq banki» jazbanyń qorshaýynda Qazaqstan Respýblıkasynyń Eltańbasy beınelengen. Tómengi bóliginde monetanyń nomınalyn bildiretin «500 teńge» degen jazba ornalasqan. Nomınaldan solǵa qaraı monetanyń massasyn bildiretin «24 g» degen jazba, oń jaǵynda moneta daıyndalǵan metaldy jáne onyń synamasyn bildiretin «Ag 925» degen jazba bar. Monetany aınaldyra monshaq tárizdes tizbek jáne shyǵyńqy jıek júrgizilgen. Monetanyń syrt jaǵynda (reversinde) qazirgi Qazaqstannyń altyn jalatylǵan kartasynyń aıasynda Qazaq handyǵynyń negizin qalaǵan Kereı men Jánibek eskertkishiniń bir bóligi beınelengen. Joǵarǵy bóliginde ulttyq oıý-órnektiń ishinde soǵylǵan jylyn bildiretin «2015» degen san, beıbitshilik pen erkindiktiń sımvoly retinde ushyp bara jatqan úsh kógershin jáne Qazaqstan Respýblıkasy Ulttyq bankiniń logotıpi bar. Aınaldyra memlekettik tilde «Qazaq handyǵyna 550 jyl» degen jazba jáne shyǵyńqy jıek júrgizilgen. Monetalardyń bet jáne syrt jaqtaryndaǵy beıneler men jazbalar bederlengen. Qyry (gýrty) bederli. Monetalar 925 synamaly kúmisten daıyndalǵan, massasy - 24 gr, dıametri - 37 mm, daıyndaý sapasy - «proof», eń kóp taralymy - 5 myń dana. Neızılber qospasynan daıyndalǵan monetanyń sıpattamasy Monetanyń bet jaǵynda (aversinde) joǵary bóliginde Qazaqstan Respýblıkasynyń Eltańbasy beınelengen. Eltańba beınesinen ońǵa qaraı «QUB» abbrevıatýrasy ornalasqan. Tómengi bóliginde monetanyń nomınalyn bildiretin «50 teńge» degen jazba ornalasqan. Nomınaldan solǵa jáne ońǵa qaraı ulttyq oıý-órnektiń elementi beınelengen. Aınaldyra memlekettik tildegi «Qazaqstan Ulttyq banki» degen jazba jáne shyǵyńqy jıek júrgizilgen. Monetanyń syrt jaǵynda (reversinde) Qazaq handyǵynyń 550 jyldyǵy logotıpiniń beınesi jáne soǵylǵan jylyn bildiretin «2015» degen san ornalasqan. Monetalardyń bet jáne syrt jaqtaryndaǵy beıneler men jazbalar bederlengen. Qyry (gýrty) bederli. Monetalar neızılber qospasynan daıyndalǵan, dıametri - 31 mm, massasy - 11,17 gr, taralymy - 100 myń dana. Ulttyq banktiń osy habarlamaǵa qatysty túsiniktemesi Nomınaldyq quny 500 teńgelik jáne 50 teńgelik mereıtoılyq monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady. Mereıtoılyq monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan. Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi №1193 Jarlyǵymen bekitilgen Qazaqstan teńgesi - ulttyq valıýta banknottary men monetalary dızaınynyń tujyrymdamasyna sáıkes ázirlengen. «Proof» sapasymen jasalǵan monetalar kollektsııalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan. Neızılber qospasynan jasalǵan eskertkish monetalardyń alty myń danasy jaqsartylǵan sapamen daıyndalǵan jáne satý úshin arnaıy plastıkalyq termovakýýmdy oraýǵa salynǵan. Monetalardy Qazaqstan Respýblıkasy Ulttyq Bankiniń barlyq fılıaldarynda, «rroof» sapaly kúmisten jasalǵan monetalardy da QR UB www.nationalbank.kz saıtynyń ınternet-dúkeninde «Ulttyq valıýta» bóliginde alýǵa bolady.